Mibalè 12:2 - BIBLIYA NTAGATIFU OMU MASHI

² Banacirhondêra okuderha, mpu: «Ka Nyamubâho kuli Mûsa yênene aderhera? K’arhaderheraga kuli rhwe rhwêki?» Nyamubâho anaciyumva okwôla.

Mibalè 12:2 ပူးပေါင်းရင်းမြစ်များ

Murhondêro 29:33

Ashub’irhôla izîmi, aburha kandi murhabana, ederha, erhi: «Nyamubâho ayumvîrhe oku ntabâ nsîmirwe, lêro amâshub’impa oyu wundi». Amuyîrika izîno lya Simoni.

2 Samweli 11:27

Erhi emishîbo ehwa, Daudi arhumiza mpu bacimulerhera olya mukazi, amuheba omu mwâge, ashuba mukâge, amuburhakwo omurhabana. Eco cijiro cagayîsa Nyamubâho.

2 Bâm 19:4

Akabà Nyamubâho wâwe anayumva ebîra binwa byoshi, omuntu orhumirwe na mwâmi w’e Asîriya mpu ayishijaciramwo Nyamuzinda ozîne, ci naye yêne ayêrekane oku agayire ebyo binwa oyo Nyamuzinda wâwe. Co carhuma osôkezagye omusengero gwâwe emunda ali kuli ogûla musigala gw’olubaga.»

Lubungo 4:14

Oburhè bwa Nyakasane bwanacibiruka kuli Mûsa, amubwîra, erhi: «“Ka mukulu wâwe Aroni w’Omuleviti arhahali? Nyîshi oku yêhe ayishiderha. Ciru y’oyu oyishirikulamusa, na hano akubona, asîma omu murhima gwâge”.

Lubungo 4:30

Aroni ashubiderha birya binwa byoshi Nyakasane abwîraga Mûsa, anajirira ebirhangâzo omu masù g’olubaga.

Lubungo 5:1

Okubundi Mûsa na Aroni bayishibwîra Faraoni mwâmi w’e Mîsiri, mpu: «Nyakasane Nyamuzinda w’Israheli adesire ntya: Leka olubaga lwâni lugende, lujinjirira olusiku lw’okunkuza omu irungu.»

Lubungo 7:10

Mûsa na Aroni bacibanda aha mwa Faraoni mwâmi w’e Mîsiri, bajira nk’oku Nyakasane ali abarhegesire. Aroni akweba akarhi kâge embere za Faraoni mwâmi w’e Mîsiri n’embere z’abambali, na kalya karhî kahinduka njoka.

Migani 13:10

Akagayo, nnôngwe katula; aha bakengana ho oburhimanya bushundwa.

Izaya 37:4

“Kwankabà Nyakasane Nyamuzinda wâwe ayumva ebinwa by’omurhambo w’olurhambà orhumirwe na nnahamwâbo, omwâmi w’e Asîriya, mpu ayish’ijâcira Nyamuzinda ozîne! Kwankanabà amuhanira ebyo binwa Nyakasane Nyamuzinda wâwe anayumvîrhe! Mâshi osengererage aga mâhunga g’olubaga lwâge gacisigîre!”»

Mikeyo 6:4

Bulya nakurhenzize omu cihugo c’e Mîsiri; nakucungwîre nakurhenza omu nyumpa y’obujà, embere zinyu narhumayo Mûsa, na Aroni na Miriyamu.

Mibalè 11:1

Olubaga lwarhondêra okucîdudumira kubî omu kurhwiri kwa Nyamubâho. Nyamubâho ayumva okwôla, n’oburhè bwâge bwayâka bwenêne, omuliro gwa Nyamubâho gwayâka kuli bo, gwarhondêra okuyôca eburhambi bw’ecihando.

Mibalè 11:29

Mûsa amushuza, erhi: «Ka wamambonera obumvu? Owabona Nyamuzinda ahindula olubaga lwa Nyamubâho lwoshi lukola lwakazilêba, na Nyamubâho ahire omûka gwâge kulibo!»

Mibalè 12:3

Ci Mûsa acibêraga muntu mutûdu bwenêne, kulusha abandi bantu boshi ba hanôla igulu.

Mibalè 16:3

Bashûbûzanya oku kulongôza Mûsa n’Aroni, banacibabwîra, mpu: «Rhwamarhama ninyu, bulya olubaga lwoshi, abantu boshi bali bimâna, na Nyamubâho ali ekarhî kâbo. Cankarhuma mweki mucikuza enyanya ly’olubaga lwa Nyamubâho?»

Barom 12:10

Muzigirane nk’abalondana; ngasi muguma akakenga abâbo nk’abamukulîre.

Barom 12:3

Enshôkano nahîrwe erhumire, mbwîzire ngasi muguma muli mwe nti murhakâg’icîgenza okulushire olugero, ci mucîlole okunakwânîne, nk’oku Nnâmahanga anagabîre ngasi muguma erhi amushobôza obuyêmêre.

Bafilipi 2:14

Muli byoshi mukole buzira kucîduduma na buzira kurhindira,

Bafilipi 2:3

Ntâco mujirage n’omurhima gw’okucîberûlamwo mirhwe ibiri erhi gw’okucîyêrekana oku murhali; ci ngasi muguma akagerêreza n’obwîrhôhye oku abâbo bamulushire.

1 Petro 5:5

Ninyu mwe misole, mukâyumva abagula. Mweshi muhwinje omwambalo gw’obwîrhôhye omu kuyôrha n’abinyu; bulya abacîbonyi Nyamuzinda kucîka abacîka ci abîrhôhye bo ashobôza engalo yâge.