Mibalè 11:5 - BIBLIYA NTAGATIFU OMU MASHI

⁵ Rhwamadula zirya nfî rhwakagilya busha busha konene e Mîsiri, rhwamadula gulya mundagwè, galya malehe, birya bitumbura na balya bapwaro bîrhu.

Mibalè 11:5 ပူးပေါင်းရင်းမြစ်များ

Ennanga 17:14

Okuboko kwâwe kundîkûze kuli eyo mifù, Yâgirwa Nyakasane, bulya eyo mifù ecigabi câbo c’obuzîne coshi eco en’igulu. Enda zâbo oziyunjuze n’ebi wababikiraga, abâna bâbo bayigurhe, basigîre abinjikulu bâbo ebisigaliza.

Lubungo 16:3

Bene-Israheli bàkâbabwîra, mpu: «Rhucifìraga omu Mîsiri n’okuboko kwa Nyakasane kwo kwàli kukulu, lyoki rhwakâg’iburhamala aha burhambi bw’enyungu z’enyama, rhwâkaz’irya omugati, rhuyigurhe oku rhulonzize! Mwarhudwîrhe muno irungu mpu olu lubaga luhungumukiremwo lwoshi n’ishali!»

Izaya 1:8

“Mwâli wa Siyoni asigîre yêne nka cifumba omu lukoma lw’emizâbîbu, nka higombe omu ishwa ly’emirhandâgule, nka cishagala cigorhe”.

Yeremiya 42:14

erhi mwakaderha, mpu: nanga, e Mîsiri yo rhulonzize okujà, yo rhurhâcibone ntambala, rhurhâciyumve mishekera yarhulâlika, rhurhâcibone eci cibula c’omugati, yo rhulonzize okubêra,

Yeremiya 44:18

“Cikwône kurhenga rhulesire okurherekêra Omwâmikazi w’e Malunga enshangi n’okumudubulira ebinyôbwa, rhwabula byoshi, gona mango rhwahwîre n’engôrho n’ecizombo”».

Mibalè 14:2

Bene Israheli boshi bakazicîdudumira Mûsa n’Aroni, n’endêko yoshi yababwîra, erhi: «Ka rhurhankafirire omu cihugo c’e Mîsiri nîsi erhi munôla irungu erhimwo.»

Bafilipi 3:19

Abôla obuzinda bwâbo kuli kuhera, enda yâbo ye nyamuzinda wâbo, n’ebyankabalerhera enshonyi bwo bukuze bwâbo; barhanayishi ebirhali by’en’igulu.