Mibalè 11:25 - BIBLIYA NTAGATIFU OMU MASHI

²⁵ Nyamubâho ayandagala omu citù, anacishambâla na Mûsa, ayanka kuli gulya mûka gwamulikwo, aguhirakwo balya bagula makumi gali nda; n’oku ogwôla mûka gwanabajakwo ntya, barhondêra okulêba; ci barhaciyûshûlaga.

Mibalè 11:25 ပူးပေါင်းရင်းမြစ်များ

2 Bâm 2:15

Abalêbi bamulangîra, banaciderha mpu: «Omûka gwa Eliya gukola guli kuli Elishaʿ». Bakanya bajà emunda ali; bafukama bayûnamiriza embere zâge. Banacimubwîra mpu:

Nehemiya 9:20

Wabahire omûka gwâwe mpu lyo bahinduka bîrhonzi, orhalahiraga mpu amâna gwâwe garhaje omu kanwa kâbo, wanacibahà amîshi oku nyôrha yâbo.

Ennanga 99:7

Akazibashambâza anali omu nkingi y’ecitù: bakaziyumva amarhegeko gâge, bakaziyumva oku abarhegesire.

Lubungo 32:32

Ci okalonza, olubabalire eco câha… N’akabà nanga, onzazagye omu citabu wanyandikaga!»

Lubungo 34:5

Nyakasane anacibunguluka omu citù ayimanga halya bo naye. Mûsa erhi adwîrhe ayâkûza izîno lya Nyakasane.

Lubungo 40:38

Bulya ecitù ca Nyakasane cakâgigwa oku Ndâro mûshi na budufu, càlimwo omuliro, omu masù g’iburha lya Bene Israheli lyoshi, omu lugendo lwâbo lwoshi.

Izaya 63:11

Obwo bàkengêra ensiku za mîra, amango g’omurhumisi wâge Mûsa. Ngahi àjirage olya wabayôkolaga omu nyanja, olya lungere w’obusò bwâge? Ngahi aligi olya wabahiragamwo Omûka gwâge mwimâna?

Ezekiyeli 8:11

Na bantu makumi gali nda bw’omu mulala gwa bene Israheli bali bayîmanzire embere z’abôla bazimu na Yazanyahu mugala wa Shafani naye àli ekarhî kâbo, -ngasi muguma erhi anafumbasire ecetêzo câge. N’omugî gw’enshangi erhi gudwîrhe gwadudumuka.

Mibalè 11:17

“Nayishibunguluka nshambâle nâwe ahôla; narhôla kuli gulya mûka gukulikwo, nguhire kuli bo, lyo babarhula mweshi nabo ogwôla muzigo g’olubaga, na ntyôla orhacikazigubarhule wênewêne”.

Mibalè 12:5

Nyamubâho ayandagala omu nkingi y’ecitù, agendibêra aha lusò lw’Ihêma. Ahamagala Aroni na Miriamu, nabo oku bali babirhi bayegêra.

Mibalè 16:25

Mûsa ayimuka anacijà emunda Datani n’Abirami bali; n’abagula b’Israheli bayisha bamukulikire.

Mibalè 24:2

Erhi Balâmu abà amâyinamula amasù, abona oku bene Israheli bahanzire ishanja oku lindi, anaciyagânwa na Mûka gwa Nyamuzinda,

Mibalè 27:18

Nyamubâho abwîra Mûsa, erhi: «Rhôla Yozwè, mwene Nuni, ali muntu oyunjwîre Mûka. Ogendihira okuboko kwâwe kuli ye.

Ebijiro 11:28

Banacirhengamwo muguma, izîno lyâge ye Agabo, ayimuka, arhondêra okaderha oku buhashe bwa Mûka mpu ecizombo câbà omu igulu lyoshi. Eco cizombo co ciryâla càbaga oku ngoma ya Klaudiyo.

1 Bakorinti 14:32

Abalêbi kukwânîne barhegeke emyûka yâbo,

Yakôbo 1:17

Ngasi ngalo nyinjà na ngasi nshôkano nkana bihubuka enyanya, birhenga emwa Nn’obulangashane, orhahinduka n’orhayishi cihôho ca muhindulo,

2 Petro 1:21

bulya ntà mango obulêbi busâg’ilêbwa oku bulonza bw’omuntu, ci abantu bàrhumirwe na Nyamuzinda mpu baderhe, kuderhesibwa bakâg’iderhesibwa na Mûka Mutagatîfu.

Bacîranuzi 3:10

Mûka gwa Nyakasane anacijà muli ye; abà mucîranuzi w’Israheli, akomekera mpu akola agendijà oku matabâro. Nyakasane amufumbasa Kushani-Rishetayimi, mwâmi w’e Mezopotamiya, okuboko kwâge kwarhimbalaza bwenêne Kushani-Rishetayimi.

1 Samweli 10:10

Erhi bahika aha Gibeya, omurhwe gw’abalêbi gwafunûnukira kuli ye, omûka gwa Lungwè gwamurhûla kwo, naye arhondêra okulêba haguma nabo.