Mibalè 10:12 - BIBLIYA NTAGATIFU OMU MASHI

¹² Bene Israheli bashubihira njira, barhenga omw’irungu lya Sînayi, cirya citù cagendiyimanga omw’irungu lya Parani.

Mibalè 10:12 ပူးပေါင်းရင်းမြစ်များ

Murhondêro 14:6

Abahoriti abahimira oku ntondo za Seyiri kuhika aha Eli-Parani lugo luli elubibi n’irungu.

Murhondêro 21:21

Ayûbaka omu irungu lya Parani, na nnina aj’imushebera omukazi Munya-Mîsiri.

1 Bâm 11:18

Erhi barhenga e Madiyani bajà e Parani, barholayo ngasi balume b’omwôla Parani, banacijà e Mîsiri emwa Faraoni mwâmi w’e Mîsiri, mwâmi w’e Mîsiri, anacihà Hadadi enyumpa n’ebiryo anahiga ciru n’okumuhà amashwa.

Lubungo 13:20

Bàrhenga e Sukoti, bàj’itwa icumbi aha Etami, elubibi lw’irungu.

Habakuki 3:3

Nyamuzinda ayishire kurhenga e Temani, Nyamuzinda Mwimâna ayishire ebwa ntondo za Parani. Obukuze bwâge bubwikire amalunga, n’igulu lyoshi liyunjwîre irenge lyâge.

Mibalè 1:1

Nyakasane ashambâla na Mûsa omw’irungu lya Sînayi, omw’Ihêma ly’embugânano, omu lusiku lurhanzi lw’omwêzi gwa kabirhi, omu mwakagwa kabirhi kurhenga barhenzire e Mîsiri. Anacimubwîra, erhi:

Mibalè 10:33

Amango barhengaga oku ntondo ya Nyamubâho, bajira nsiku isharhu, bagenda, na muli olwôla lugendo lw’ensiku isharhu, omucîmba gw’amalaganyo ga Nyamubâho gwajà gwabashokolera, gwajà gwabalongeza aha barhamukira.

Mibalè 12:16

Enyuma z’aho, olubaga lwarhenga ahôla Haseroti, bâge­ndihânda omu irungu lya Parani.

Mibalè 13:26

bayisha bayishire bajà emunda Mûsa ali n’Aroni, n’endêko ya bene Israheli boshi aha Kadesi, omw’irungu lya Parani. Bababwîra emyanzi nka kulya banarhumagwa; bashambalira n’olubaga loshi, banabayêreka amelehe ga ecôla cihugo.

Mibalè 13:3

Mûsa abarhuma kurhenga omwôla irungu lya Parani nk’okwôla Nyamubâho anarhegekaga; abôla barhambo barhumagwa bàli barhambo ba muli bene Israheli.

Mibalè 2:34

Bene Israheli banacijira nk’oku Nyakasane anali arhegesire Mûsa koshi. Kwo bakazâgihanda ntyo ngasi baguma n’ibendêra lyâbo, kwo banakazâgigenda ntyôla, ngasi baguma omu mulala gwâbo omu kukulikira emilala ya bashakulûza bâbo.

Mibalè 9:1

Nyakasane ashambâla na Mûsa oku ntondo ya Sînayi omu mwêzi murhanzi gw’omwâka gwa kabirhi kurhenga barhenzire omu cihugo c’e Mîsiri.

Mibalè 9:17

Erhi ecôla citù carhengaga oku Ihêma, nabo bene Israheli banahandûla, n’aha ecitù cayimangaga ho nabo banakazigwîka ecihando.

Mibalè 9:5

Banacijira olusiku lukulu lwa Basâka, omu nsiku ikumi n’ini z’omwêzi gwa burhanzi ekarhî ka bijingo bibiri, omu ntondo ya Sînayi. Nk’oku Nyamubâho anarhegekaga Mûsa koshi, kwo bene Israheli banajizire.

Lushika 1:1

Alaga ebinwa Mûsa abwîraga Bene Israheli boshi, amango bâli ishiriza lya Yordani. Omu irungu, omu Araba, kulola Sufu ntya, aha karhî ka Parani na Tofeli, Labani, Haseroti na Di-Zahabu.

Lushika 1:19

Rhwaleka Horebu obwo, rhwayikira olya nakagali, olya nyandumà w’irungu mwabonaga. Mwo rhwàli omu njira y’okujà ebwa ntondo z’Abamoriti nka kulya Nyamubâho, Nyamuzinda wîrhu anali arhurhegesire, rhwalinda rhuhika aha Kadesi-Barnea.

Lushika 1:7

Rhengi aha, mugende mujè ebwa ntondo y’Abamoriti n’emwa abalungu bâbo: omu Araba, oku Ntondo, omu Shefela, omu Nêgebu, n’oku burhambi bw’enyanja, omu cihugo ca Abakanani na kurhenga e Libano kuhika oku lwîshi lunênênè, lwo lwîshi lwa Efrata.

Lushika 33:2

Aderha, erhi: Nyamubâho arhengaga e Sînayi, abamolekera kurhenga e Seyiri, alangaza anali oku ntondo ya Parani. Ho ali ayishire kurhenga oku mbugânano kurhenga e mukondwè gwa Kadeshi kuhika oku Mirhezi.

1 Samweli 25:1

Oku bundi Samweli anacifà, olubaga lwoshi lwashûbûzanya, bamushîba bwenêne, bamubisha omu ishwa lyâge aha Rama. Enyuma ly’aho, Daudi alîkûla ayandagalira omu irungu lya Parani.