Mibalè 1:50 - BIBLIYA NTAGATIFU OMU MASHI

⁵⁰ “Ohè bene Levi ecikono c’okukazilanga omucîmba gw’amalaganyo, ebirugu byâgwo na ngasi bindi binabamwo byoshi. Bo bakazihêka ogwôla Mucimha n’ebirugu byamwo byoshi; bo bakazikola muligwo, banakazihanda eburhambi bw’ogwôla Mucimba”.

Mibalè 1:50 ပူးပေါင်းရင်းမြစ်များ

2 Nganîro 24:6

Mwâmi ahamagala Yehoyada ye mudâhwa mukulu amudôsa, erhi: «Carhumire orhakazilola abaleviti n’okubahà omurhima, lyo bajà barhôla omu Yûda n’omu Yeruzalemu empongano, Mûsa, murhumisi wa Nyamubâho, boshi n’embugânano y’olubaga barhegekaga Israheli, okukaziyihira omu ihêma ly’obuhamîrizi?

Nehemiya 12:22

Omu mango ga Eliyashibu, aga Yoyada; aga Yohanani; abaleviti abakulu b’emilala y’abadâhwa bayandikwa omu citabu c’enganîro kuhika kuli Dariusi w’omu Persi.

Nehemiya 12:47

Israheli yêshi omu mango ga Zerobabeli n’aga Nehemiya, bakazâg’ihâna ecigabi c’abimbiza n’ec’abalanzi b’emihango; nabo abaleviti bakâhâbwa entûlo ntagatîfu, abaleviti nabo kuli cirya cigabi câbo, banahàkwo bene Aroni.

Nehemiya 12:8

Abaleviti: Yozwè, Binuwi, Kadmiyeli, Sherebiya, Yehuda, Matanya, ye wali oyimanzibwe kuguma na bene wâbo oku nyimbo z’okukuza Nyamuzinda.

Nehemiya 13:22

Narhegeka abaleviti nti bacîyôbôle, banayîsh’ilanga enyumvi lyo olwa Sabato lujirwa lutagatîfu. Oshub’iyûbaka mâshi Nyamuzinda wâni onambabalire erhi okwo kwo kurhumire, nk’oku obwonjo bwâwe bunali!

Nehemiya 13:5

ali amamurheganyiza ecumpa cihamu mwo bakazâg’ibîkira burhanzi enterekêro, enshangi, ebirugu, entûlo y’engano, idivayi lihyâhya, amavurha, empongano y’abaleviti, ey’abimbiza, ey’abalanzi b’emihango n’ebi bakazâg’ihôgeza abadâhwa.

Ennanga 122:4

Yo amashanja gayinamukira, amashanja ga Nyakasane. Mpu gakuze izîno lya Nyakasane nk’oku Israheli anarhegesire.

Lubungo 31:18

Cazînda, erhi àyûsishambâza Mûsa oku ntondo y’e Sînayi, amuhà zirya mbale ibirhi z’Obuhamîrizi, mbale ibirhi za mabuye, zayandikagwa n’omunwe gwa Nyakasane.

Lubungo 38:21

Alaga olukalaba lw’ebyakolesibwe omu Ndâro, Ndâro y’Endagâno, banacijira omubalè oku irhegeko lya Mûsa, guli mukolo gwâjirwa n’Abaleviti oku buhanùzi bwa Itamara, mugala w’omudâhwa Aroni.

Mibalè 1:53

“Ci bene Levi bakazihanda hôfi n’omucîmba gw’Amalaganyo, lyo oburhè bulekija oku lubaga lwa bene Israheli, bene Levi bo bakazilanga omucîmba gw’Amalaganyo”».

Mibalè 10:21

Bene Kehati nabo bagenda erhi babarhwîre ebirugu bimâna, abandi bakazigwika Endâro oku balinda bayisha.

Mibalè 17:7

Ebwa kubà olubaga lwàli lwamagôrha Mûsa n’Aroni, bombi bayêrekera e­ bw’Ihêma ly’embugânano, ecitù calibwîka n’irenge lya Nyamubâho lyaboneka.

Mibalè 18:5

“Mukazikola omu hantu himâna n’oku luhêrero, lyo oburhè bw’okushimbulira bene Israheli buhwa”.

Mibalè 2:17

Kandi ihêma ly’e­ mbugânano lyanakulikira, na bene Levi banajà ekarhî k’ebindi bihando. Okwola bahanda kwo banakazikulikirana bakola bagenda, ngasi baguma oku mulongo gwâbo n’ibendêra lyâbo.

Mibalè 20:11

Mûsa anacilambûla okuboko, ashûrha kabirhi kulya ibuye n’akarhi kâge: mwanacivongoboka mîshi manji, olubaga lwanywa kuguma n’ebintu byâlo.

Mibalè 4:15

Hano Aroni n’abagala bayûsa okubwîkira ahimâna n’ebirugu byamwo byoshi, na hano babà bamayimuka bakola bagenda, bene Kehati banayisha okubibarhula, ci barhahumaga oku bintu bimâna lyo balekifià. Byo bene Kehati bakazihêka ebyo omw’Ihêma ly’embugânano.

Mibalè 4:3

kurhenga owa myâka makumi asharhu kuhêke enyanya oku myâka makumi arhanu, ngasi boshi banajira omukolo omw’ihêma ly’embugânano omu kujiramwo bushanja bulebe, omwôla ihêma ly’embugânano.

Mibalè 8:19

“Nahânyire loshi bene Levi emwa Aroni n’abagala, nka ‘ngalo’, omu karhî ka bene Israheli; bakazijira omukolo gwa bene Israheli omu Ihêma ly’embugânano, bakazijira empyûlo ya bene Israheli, lyo bene Israheli balekijakwo cibande cici, amango bayegêra ahantu himâna”».

Mibalè 8:20

Mûsa, Aroni na bene Israheli boshi bajirira bene Levi nk’okwôla Nyamubâho anarhegekaga Mûsa, oku hiyêrekîre bene Levi. Kwo bajizire ntyo bene Israheli kuli bo.

Mibalè 8:22

Enyuma z’ahôla, bene Levi bakaziyîsha balijira omukolo gwâbo omu Ihêma embere z’Aroni n’abagala. Bajira nk’oku Nyamubâho anarhegekaga Mûsa oku biyêrekîre bene Levi, okwôla kwo banabajirire.

Mafulûlo 15:5

Erhi ebyôla bihwa, nabona engombe y’ecihando c’obuhamîrizi yayiguka omu irunga,