Mateyo 9:16 - BIBLIYA NTAGATIFU OMU MASHI

¹⁶ Ntâye ohangira eciremo cihyâhya oku bwinkunje; bulya canasharhula bulya bwinkunje, n’obubere bwanayûshûka.

Mateyo 9:16 ပူးပေါင်းရင်းမြစ်များ

Murhondêro 33:14

Nnawîrhu ashokolerage mwambali wâge: nâni nayisha bunyibunyi nacîtunda omu kushimba olugendo lw’obusò bunshokolire n’olugendo lw’abâna kuhika mpike emwa nnawîrhu aha Seyiri».

Ennanga 125:3

Nanga ntà mango akarhi k’endyâlya kwânahume oku mwanya gw’abashinganyanya. Abashinganyanya bakanalambûla okuboko kwâbo mpu bajiremw’okubî.

Izaya 40:11

Aka lungere, kuyâbula ayâbula obusò bwâge, aj’ashûbûza abâna-buzi n’okuboko kwâge, ababagalire oku cifuba câge, anayîshe ahuga bunyi bunyi ebibuzi byayonsa.

Mateyo 9:15

Yezu anacibashuza, erhi: «Ka abîra b’omuhya-mulume banalake, baciri n’omu­hya-mulume? Ensiku zacibabikira, hano omuhya-mulume abarhengamwo; muli ago mango bâcîshalise.

Mateyo 9:17

Kandi ntâye obîka amavu mahyâhya omu byengero bya mîra; bulya ebyo byengero byanabasha, n’amavu ganabulajika, obule amavu n’ebyengero. Ci amavu mahyâhya banagabike omu byengero bihyâhya, bibêre bwinjà oku binali bibiri».

Marko 2:21

Ntâye ohangira eciremo cihyâhya oku mushangi mukulukulu, n’erhi ankalemeka ntyo, cirya ciremo cihyâhya canasharhula gulya mushangi mukulu­kulu, n’obubere bwanayûshûka.

Luka 5:36

Ashub’ibabwîra ogu mugani, erhi: «Ntâye obêra eciremwo c’omwambalo muhyâhya akacilemeka oku mwambalo mukulûkulù; n’owalemeka ntyo, erhi abezire gulya mwambalo muhyâhya, na cirya ciremwo c’omwambalo muhyâhya cirhankayumânana na gulya mukulûkulù.

Yowane 16:12

“Ncigwêrhe binji by’okummubwîra, ci murhankashub’ibihasha”.

1 Bakorinti 13:13

Buno obuyêmêre n’obulangâlire n’obuzigire ho biri oku binali bisharhu; cikwône muli ebyo ecikulîre ebindi bwo buzigire.

2 Bakorinti 9:12

Bulyâla ogwo mukolo Mutagatîfu kurhali kurhabâla kwône gurhabâla abatagatîfu omu bulagîrire bwâbo, ci ciru gurhuma bavuga Nyamuzinda omunkwa bwenêne.