Mateyo 9:11 - BIBLIYA NTAGATIFU OMU MASHI

¹¹ Erhi Abafarizeyi bacibona okwo, babwîra abaganda bâge, erhi: «Cirhuma Nnâhamwinyu akâlya n’abahôza n’abanya-byâha?»

Mateyo 9:11 ပူးပေါင်းရင်းမြစ်များ

Izaya 65:5

Banakaz’iderha, mpu: «Ocîyegule, orhanyegeraga, bulya ndi mwimâna kukulusha!» Ebyôla kwo biri nka mugî omu mazûlu gâni, nka muliro guyôrha gwadurha ngasi mango.

Mateyo 11:19

Mwene-omuntu àyisha, erhi àlya ànanywa; baderha, mpu: «Lolagi omulî mukulu n’omulalwe, mwîra w’ebishungu n’ow’abanya-byâha!» Ci kwônene obushinganya bw’Obwîrhonzi bwa Nyamuzinda bwamanyîbwe oku bijiro byâbo.

Mateyo 5:46

Mâshi! mukazigiraga abamuzigira bônene, luhembo luci mwayish’ihâbwa? Ka ebishungu byôki birhajira ntyo?

Mateyo 9:10

Byanacibà ntyo! Erhi badwîrhe balya emwa Mateyo, abahôza n’abanya-byâha bayisha, banacirhondêra okulya haguma na Yezu n’abaganda bâge.

Marko 2:16

Abashamuka b’ihano b’omu Bafarizeyi, erhi bamubona adwîrhe alîra haguma n’abavurhisa n’abanya-byâha, babwîra abaganda bâge, mpu: «Cirhuma Nnâhamwinyu alîra haguma n’abanya-byâha?»

Luka 19:7

Ngasi bantu babonaga, bakacîduduma boshi n’okuderha, mpu: «Ahanzire aha mw’omunya-byâha!»

Luka 5:30

Abafarizeyi n’abashamuka bâbo b’ihano bagaya, banabwîra abaganda bâge, mpu: «Cirhuma mulira munanywera hagu­ma n’abavurhîsa n’abanya-byâha?»

Ebijiro 11:3

«Kurhi wajàga omu mwa bantakembûlwa, wanalya mwe nabo?»

Bagalasiya 2:15

'Rhwono rhwaburhagwa Buyahudi, rhurhali aka abâla bapagani banya-­byâha.

Bahabraniya 5:2

Anahash’ifîra abahwinja n’abahabusire olukogo, bulya naye yêne agosirwe n’obuzamba.

2 Yowane 1:10

Erhi hankajira owammuyishira arhanadwîrhi ezi nyigîrizo, murhamuyankiriraga aha mwinyu, munamanye mwankamulamusa.