Mateyo 8:28 - BIBLIYA NTAGATIFU OMU MASHI

²⁸ Erhi aciyikira omu cihugo c’Abajerazeni, bantu babiri bagwêrhwe n’abà­ shetani barhenga omu nshinda, balibirhira emunda ali. Abo bantu erhi basirahire, kuhika ntà muntu wankacigezire muli eyo njira.

Mateyo 8:28 ပူးပေါင်းရင်းမြစ်များ

Murhondêro 10:16

Ahirakwo Abayebuseni, Abamoriti, Abagirgashi,

Murhondêro 15:21

Abamoriti, abanya-Kanâni, Abagirigashiti n’Abayebuseni».

Mateyo 4:24

Irenge lyâge lyalumîra omu Sîriya yoshi: banacimulêrhera balwâla banji, n’abàli bagwâsirwe n’obuzamba n’amalumwa ga ngasi lubero, n’abàli bagwêrhwe na Shetani, n’abasirhe n’abahinânge, anacibaciza.

Mateyo 8:27

Obwo abantu basômerwa, banakâderha, mpu: «Lêro ye ndi oyu! Ci yêhe e­mpûsi n’enyanja bidwîrhe byamuyêmêra!»

Ebijiro 10:38

Mumanyire kurhi Nyamuzinda ashîzire Yezu w’e Nazareti amavurha g’okumuyunjuza Mûka Mutagatîfu n’obuhashe. Akâg’ikajira aminjà, anakafumya abàli bagwêrhwe na shetani, bulya Nyamuzinda àli haguma naye.

Lushika 7:1

Amango Nyamubâho, Nyamuzinda wâwe abà amakuhisa muli eci cihugo wagendiyanka, n’amango wâbà wamakungush amashanja manji: Abahititi, Abagirgashi, Abamoriti, Abanyakanani, Abaperizi, Abahiviti, n’Abayebuseni, mashanja nda na mazibu kululusha,

Bacîranuzi 5:6

Amango ga Shamgari mugala w’Anati, amango ga Yaheli, erhi ntà mizinzi ya bantu ecigera omu njira nungêdu, bâli bakola bakazigera omu rhujira rhw’eburhambi.