Mateyo 6:16 - BIBLIYA NTAGATIFU OMU MASHI

¹⁶ Nka mwacîshalisa, murhabâga burhè nka ndyâlya, ezicîjira eminyuga ebusù, mpu lyo abantu babona oku bacîshalisize. Okuli mmubwîre, mîra bahâbagwa oluhembo lwâbo.

Mateyo 6:16 ပူးပေါင်းရင်းမြစ်များ

2 Samweli 12:16

Daudi ashenga, alakira omwâna embere za Nyamuzinda: akalâla ntyo n’okulegerera arhaliri bici, aj’omu mwâge, alâle agwîshîre oku idaho bûmu.

2 Samweli 12:21

Abambali bamudôsa erhi: «Bici wakâg’ijira halya? Ene omwâna aciri azîne, waleka okulya, wagendekera okulaka. Buno omwâna ànafîre wamagangamuka, wamarhôndêra n’okulya.»

1 Bâm 21:27

Erhi Ahabu ayumva ebinwa bya Eliya, asharhula emyambalo yâge, acîhundikira sunzu, acîshalisa, akalâla muli olya sunzu, anakagenda ayûbîza.

Nehemiya 1:4

Erhi nyumva okwo, natamala, nagwîra omulenge, nashinga nsiku zirhali nyi erhi kulaka ndaka; nakaz’icîshalisa n’okushenga Nyamuzinda w’enyanya.

Esteri 4:16

«Ogend’ibwîra Abayahudi banali omu Suza boshi bacîshalise erhi nie ntuma. Murhalyaga murhananywaga miregerege isharhu na madufu asharhu. Oku lwâni lunda, nie haguma na bambalikazi bâni, nacîshalisa kuguma na ninyu. Na hanôla mbà namacîrheganya ntyôla, nanaj’emunda mwâmi ali, gwârhi irhegeko, akabà kufà nafà nanafâga».

Ennanga 109:24

Nkola ndwîrhe nakomanya amadwî erhi kucîshalisa kurhuma, n’omubiri gwâni gwahosire erhi kubula mavurha kurhuma.

Ennanga 35:13

Erhi bàbâga balwâla niehe nanyambale sunzu, ncîshalisagye nk’aha bwacêra obwo, nsâlirage emurhima obwo ntaluse.

Ennanga 69:10

Nayumva obushiru bw’enyumpa yâwe bwandyagâsà, n’ebijâci bakujacira byanduma.

Daniyeli 9:3

Nanaciyêrekeza obusù bwâni emunda Nyamuzinda ali, nahûna amango g’okushenga n’ag’okuyinginga omu kucîshalisa, omu kucîbabaza n’omukuyambala sunzu, nti ndôse kuli okwo.

Malakiya 3:14

Munaderhe mpu: «Bunguke buci rhwakuzire mulibyo; kuli busha oku­ rhumikira Nyamuzinda, rhwashimbire amarhegeko gâge, rhwanakazija omu magashânize g’emishîbo g’okuhûna obwonjo bwa Nyakasane w’Emirhwe, ci kwône ntà bunguke rhwabwîne»,

Mateyo 6:1

Mumanye murhakâg’iyêrekana ebijiro binyu binjà embere z’abantu mpu mubonwe, bulya mukajira ntyo, murhakabona luhembo emwa Sho w’empingu.

Mateyo 6:2

Lêro nka okola wahà omukenyi akantu, orhabuhaga mushekera, nk’oku endyâlya zijira omu sinagogi n’omu bishagala, mpu lyo abantu bazikuza. Okuli, mmubwîre, bàhâbirwe mîra oluhembo lwâbo.

Mateyo 6:5

Nka mwashenga, murhabâga nka ndyâlya zisîma okushenga bwimanga omu sinagogi n’omu mashanganizo g’enjira, mpu lyo zibonwa n’abantu. Okuli, mmubwîre, bahâbirwe mîra oluhembo lwâbo.

Marko 2:18

Kwanacibà lusiku luguma, erhi abaganda ba Yowane n’Abafarizeyi bacîshalisize. Bayish’imubwîra, mpu: «Cirhuma abaganda ba Yowane n’Abafarizeyi bacîshalisa, ci abaganda bâwe bôhe nanga?»

Luka 18:12

“ncîshalisa kabiri omu mugobe, nantûla ecihimbi ca kali ikumi c’ebirugu byâni byoshi”.

Luka 2:37

ayôrha mukana kuhika myâka makumi gali munâni n’ini; arhàrhengaga omu ka-Nyamuzinda, akakolera Nnâmahanga buca buyira omu kucîshalisa n’omu kushenga.

Ebijiro 10:30

Korneliyo amubwîra, erhi: «Ene lwo lusiku lwa kani: “nka gano mango kandi, nali omu mwâni ndwîrhe nashenga omu nsâ ya kali mwe­nda; lêro nanacibona omuntu oyambîrhe emyambalo yalangashana ayîmanzire embere zâni”.

Ebijiro 14:23

Banacihà ngasi Ekleziya abagula, n’erhi babà bamâshenga n’okucîshalisa, babahira omu maboko ga Nyakasane bâli bamâyêmêra.

1 Bakorinti 7:5

Harhajiraga owalahirira owâbo; ci bombi banayumvanya, kuhika kasanzi kalebe, lyo mujira nsiku mwashenga. Okubundi mushub’ishubira haguma, Shetani alek’ibona igwârhiro ly’okummushumika erhi buzamba bwinyu burhuma.

2 Bakorinti 11:27

mbalushire omu kukola n’omu kurhama; kanji-kanji nalazire ntanahebiri olugohe oku lundi; ishali n’enyôrha, okucîshalisa kanji-kanji, okukayûla n’okubula eci nacibwîka.

2 Bakorinti 6:5

omu kushûrhwa empîmbo, omu mpamikwa, omu bugome, omu mirhamo, omu kubula îrò, n’omu kubula ebiryo;