Mateyo 5:46 - BIBLIYA NTAGATIFU OMU MASHI

⁴⁶ Mâshi! mukazigiraga abamuzigira bônene, luhembo luci mwayish’ihâbwa? Ka ebishungu byôki birhajira ntyo?

Mateyo 5:46 ပူးပေါင်းရင်းမြစ်များ

Mateyo 11:19

Mwene-omuntu àyisha, erhi àlya ànanywa; baderha, mpu: «Lolagi omulî mukulu n’omulalwe, mwîra w’ebishungu n’ow’abanya-byâha!» Ci kwônene obushinganya bw’Obwîrhonzi bwa Nyamuzinda bwamanyîbwe oku bijiro byâbo.

Mateyo 18:17

Akabà arhabayumvîrhi, obwîre Ekleziya. Akabà arhumvîrhi Ekleziya, omulole nka mupagani erhi mukage.

Mateyo 5:47

Na mukakâlamusa bene winyu bônene, kurhi mulushînage obwo? Ka abapagani bôki barhajira ntyo?

Mateyo 6:1

Mumanye murhakâg’iyêrekana ebijiro binyu binjà embere z’abantu mpu mubonwe, bulya mukajira ntyo, murhakabona luhembo emwa Sho w’empingu.

Marko 2:15

Byanacibà ntyo! Erhi abà adwîrhe alîra omu mwa Levi, abavurhîsa n’abanya-byâha banji batamala haguma na Yezu n’abaganda bâge; bulya banji bâli bamukulikîre.

Marko 2:16

Abashamuka b’ihano b’omu Bafarizeyi, erhi bamubona adwîrhe alîra haguma n’abavurhisa n’abanya-byâha, babwîra abaganda bâge, mpu: «Cirhuma Nnâhamwinyu alîra haguma n’abanya-byâha?»

Luka 15:1

Obwo abavurhisa n’abanyabyâha bamulirâna boshi mpu bayumve e­nyigîrizo zâge.

Luka 18:13

“Olya muvurhîsa yêhe aj’icîbêrera erhali hôfi, arhanaderhaga ciru mpu agalamire enyanya, ci akacîkomamba ecifuba, erhi”: “Yâgirwa Nnâmahanga, onfè bwonjo nie munya-byâha!”

Luka 19:2

Hanaciyisha mulume muguma, mpu ye Zakeyo; àli mukulu w’abavurhîsa, anali mugale.

Luka 19:7

Ngasi bantu babonaga, bakacîduduma boshi n’okuderha, mpu: «Ahanzire aha mw’omunya-byâha!»

Luka 3:12

Abavurhîsa nabo bayisha mpu ababatize, banamubwîra, mpu: «Muyigîriza, kurhi rhujirage?»

Luka 5:29

Levi amurheganyiza idinie omu mwâge; bavurhîsa mwandu n’abandi bantu nabo bâli oku cîbo bo nabo.

Luka 5:30

Abafarizeyi n’abashamuka bâbo b’ihano bagaya, banabwîra abaganda bâge, mpu: «Cirhuma mulira munanywera hagu­ma n’abavurhîsa n’abanya-byâha?»

Luka 7:29

Olubaga lwoshi lwamuyumvîrhe, ciru n’abanya-byâha babwîne oku Nyamuzinda ayâzize, babatizibwa obubatizo bwa Yowane.

Luka 7:34

“Mwene-omuntu ayisha, erhi alya ananywa; mwaderha, mpu”: “Lolagi omulyi mukulu n’omulalwe, mwîra w’ebishungu n’ow’abanya-byâha!”