Mateyo 3:1 - BIBLIYA NTAGATIFU OMU MASHI

¹ Muli ezo nsiku, Yowane Mubatiza acîyêrekana: akazâg’iyigîriza abantu omu irungu ly’e Buyahudi.

Mateyo 3:1 ပူးပေါင်းရင်းမြစ်များ

1 Bâm 2:34

Benayahu mugala wa Yehoyada anacisôka, atumirha Yowabu, amuyîrha, anacibishwa aha mwâge omu irungu.

Mateyo 11:11

“Okuli mmubwîre, omu babusirwe n’omukazi boshi, ntâye wabonekîne mukulu kulusha Yowane Mubatiza; ci kwône oli munyi kulusha abâbo omu Bwâmi bw’empingu ayish’imulusha obukulu”.

Mateyo 11:7

Lêro erhi bacibà bamagenda, Yezu arhondêra abwîra abantu ebya Yowane, erhi: «Bici mwâli mujir’ilola omu irungu? Ka lusheke lwahuliganyibwa n’empûsi?

Mateyo 16:14

Nabo banacimubwîra, erhi: «Baguma banaderhe mpu ye Yowane Mubatiza; abandi mpu Eliya, abandi nabo mpu Yeremiya erhi muguma omu balêbi».

Mateyo 21:32

“Bulya Yowane ayishire muli mwe omu njira y’obushinganyanya, murhanamuyemeraga; abanya-byâha bôhe n’abakazi bagonyi bamuyêmêra; ci mwêhe erhi mubona olwo lwîganyo lwâbo, ciru murhacîyunjuzagya buzinda mpu muyêmêre”».

Mateyo 3:8

“Mucîyunjuze bwinjà”.

Marko 1:15

«Amango gahisire, n’Obwâmi bwa Nyamuzinda buli hôfi: mucîyunjuze munayêmêre Emyanzi y’Akalembe».

Marko 1:2

Nka kulya biyandisirwe n’omulêbi Izaya: Niene ntumire entumwa yâni embere zâwe, ekukombêreze enjira.

Luka 1:76

Nâwe, we hyâna, wâderhwa mulêbi w’Ow’enyanya, bulya washokolera Nyakasane, orheganye enjira zâge;

Luka 7:24

Zirya ntumwa za Yowane erhi zibà zamagenda, arhondêra abwîra olubaga ebya Yowane, erhi: «Bici mwâli mujir’ilâba omu irungu? Ka lusheke lwahuliganyibwa n’empûsi?

Ebijiro 1:22

“kurhenga obubatizo bwa Yowane kuhika olusiku arhurhengagamwo, murhenge muguma wâbà muhamîrizi w’okufûka kwâge haguma n’irhù”».

Yozwe 14:10

“Na buno lolaga oku Nyakasane, ampîre akalamo, nk’oku anaderhaga, hamagera myâka makumi anni n’irhanu kurhenga Nyakasane ali abwîzire Mûsa ako kanwa, n’ago mango erhi Israheli ayisha agenda omw’irungu, na buno lolaga oku nkola ngwêrhe myâka makumi galimunani n’irhanu ndi mbusirwe”.

Bacîranuzi 1:16

Bene Hobabu, omunya-Keniti, mulamu wa Mûsa, banacisôka kurhenga omu lugo lw’emirhanda, banacigenzikanwa na bene Yûda, omw’irungu lya Yûda eliri omu Nêgebu aha Aradi, banaciyûbaka haguma n’olubaga.