Mateyo 28:7 - BIBLIYA NTAGATIFU OMU MASHI

⁷ “Munagende duba, mubwîre abaganda bâge, erhi”: “Anafûsire omu bafù, anammushokolîr’e Galileya; yo mwamubonera. Mbîre mmubwîzire”».

Mateyo 28:7 ပူးပေါင်းရင်းမြစ်များ

Izaya 44:8

Murhajugumaga, murhayôbohaga! Ka ntakubwîraga n’okukumanyisakwo kurhenga mîra? Muli bahamîrizi bâni; ka hali owundi nyamuzinda kuleka nie? Nanga, ndi wundi Kabuye! Ntâye mmanyire ciru n’omuguma!

Izaya 45:21

Lerhagi olubanja lwinyu, muhirane, ciru munadôsanye Ndi wamanyîsize ebyôla kurhenga mîra, ndi wabifulwîre kurhenga ago mango? K’arhali nie, Nyakasane? Ntà wundi nyamuzinda kuleka nie! Nyamuzinda mushinganyanya na muciza, ntà wundi kuleka nie!

Mateyo 24:25

Ninyu mumanyage, mmulêbire byoshi.

Mateyo 26:32

“Ci hano nyûs’ifûka, nammushokolera e Galileya”».

Mateyo 28:10

Yezu anacibabwîra, erhi: «Murhayôbohaga, mugend’ibwîra balumuna bâni baj’e Galileya, yo bambonera».

Mateyo 28:8

Banacirhenga bimbirimbiri ebwa cûsho n’omurhima gubangalîre banasîmire bwenêne; kwo kulibirh’ibwîra abaganda bâge.

Marko 14:28

Ci hano nyûs’ifûka, nammushokolera e Galileya».

Marko 16:10

Naye akanya, aj’ibwîra abaganda bâge, erhi bali omu mirenge n’emishîbo.

Marko 16:13

Abo bagaluka babwîra abâbo; ci nabo barhayêmêraga.

Luka 24:34

Banacibabwîra, mpu: «Kwo binali! Nyakasane afûsire, anabonekîre Simoni!»

Yowane 14:29

“Ntyo nammubwîzire e­byo embere bibè, nti irhondo byamâbà lyo muyêmêra”».

Yowane 16:4

Ci mmubwîzire ebyo, nti lyo hano amango gâbyo gayisha, mukengêra oku nali erhi nammubwîzire. Ntammubwîragabyo kurhenga omurhondêro, bulya naciri ekarhî kinyu.

1 Bakorinti 15:4

oku abishirwe omu nshinda, n’oku olusiku lwa kasharhu àfûsire nk’oku Amandiko gadesire;

1 Bakorinti 15:6

Okuhandi àbonekera bene wîrhu magana arhanu na kulusha caligumiza, na banji muli bo ho bacibà, ci baguma bafîre.