Mateyo 27:60 - BIBLIYA NTAGATIFU OMU MASHI

⁶⁰ agubisha omu nshinda mpyâhya àli acîhumbire omu lwâla; n’erhi abà amahirika ibuye linene omu lusò lw’enshinda, agenda.

Mateyo 27:60 ပူးပေါင်းရင်းမြစ်များ

Murhondêro 50:5

Larha andahirize ambwîra, erhi: Lolà oku nkola nafà; wambisha omu nshinda nahumbisagya omu cihugo ca Kanâni. Nalonza okujà eyo munda; ngend’ibisha yo larha nangaluke».

Izaya 22:16

“Mwanya muci ojira hanôla na ndi wakuhâga akashambala, obûla wacîhumbiraho enshinda, obûla wayigôya burherema, n’obûla wacîrhendêzeza icumbi omu lwâla?”

Izaya 53:9

Bahumba ecûsho câge ekarhî ka banyankola-maligo, n’enshinda yâge ekarhî k’abagale, n’obwo ntà bubî ajizire, na ntà bunywesi bwarhenzire omu kanwa kâge.

Mateyo 27:59

Okuhandi Yozefu anaciyanka gulya mubiri, aguboha omu mwenda mwêru,

Mateyo 27:66

Banacigenda, ecûsho bacihamika, banahira ibuye kw’ecimanyîso, banahasiga abalanzi.

Mateyo 28:2

Obwo igulu lyanacigeramwo omusisi munji, Malahika wa Nyakasane anaciyandagala arheng’emalunga, anaciyisha, ahirimya lirya ibuye analibwârhalakwo.

Luka 24:2

Bashimâna ibuye lihirisirwe lirhanaciri oku nshinda.

Yowane 11:38

Yezu ashub’igwârhwa n’ecifufu, ajà e­bwa cûsho. Gwàli mwîna gufûnisirwe n’ibuye.

Yowane 11:41

Banacikûla lirya ibuye. Okuhandi Yezu ayînamula amasù, aderha, erhi: «Larha, nkuvuzire omunkwa, kulya kubà wa­nyumvîrhîze.

Yowane 19:41

Aha bamubambiraga oku musalaba hàli ishwa, na mw’ery’ishwa mwâli enshinda mpyâhya erhalisâg’ibishwamwo ndi.

Yowane 20:1

Olusiku lurhanzi lw’omugobe, Mariya Magadalena alamukira ebwa cûsho mucêracêra burhac’ihumanuka; ashimâna bakûzire ibuye oku nshi­nda.