Mateyo 27:31 - BIBLIYA NTAGATIFU OMU MASHI

³¹ Okuhandi erhi bayûs’imucinaguza, banacimuhogola ci­lya cishûli, bamuyambika emyambalo yâge, bamuhulukana, baj’imubamba oku musalaba.

Mateyo 27:31 ပူးပေါင်းရင်းမြစ်များ

1 Bâm 21:10

“Embere zâge muhebeyo bantu babirhi bayish’ihamîriza baderhe, mpu: Wajâcîre Nyamuzinda na mwâmi! Buzinda bw’aho, mwanamulêrha emuhanda, mumubande amabuye, afè!”»

1 Bâm 21:13

Balya balume babirhi banaciyisha, bayîmanga embere zâge, banacihamîriza obunywesi kuli Naboti embere z’olubaga, baderha erhi: «Naboti ajacîre Nyamuzinda na mwâmi!»

Izaya 53:7

Erhi alibuzibwa, yêhe acîrhôhya, arhabumbûlaga kanwa; nka mwâna-buzi waj’ibâgwa, nka cibuzi caguguma embere z’owacigûgula amôya, arhabumbûlaga kanwa.

Mibalè 15:35

Nyamubâho anacibwîra Mûsa, erhi: «Oyôla muntu afè! Olubaga lwa bene Israheli loshi lumubande amabuye embuga ly’ecihando».

Mateyo 20:19

Bayish’imuhà abapagani mpu bamushekere, bamushûrhe emikoba banamubambe oku musalaba; ci olusiku lwa kasharhu ayish’ifûka».

Mateyo 21:39

Obwo banacimurhuluba, bamurhenza omu ishwa, bamuniga.

Mateyo 26:2

«Mumanyire oku lisirhondo Basâka abà, na Mwene-omuntu ahânwa mpu abambwe oku musalaba».

Marko 15:20

Okubundi, erhi bayûs’imucinaguza, bamuhogola cirya cishûli cidukula, bamuyambika emyambalo yâge, bamuhulukana mpu baj’imubamba oku musalaba.

Yowane 19:16

Obwo anacibahàye mpu bamubambe oku musalaba. Banaciyanka Yezu.

Yowane 19:27

Abwîra n’olya muganda, erhi: «Alà nyoko». Kurhenga ago mango nyamuganda amuhêka emwâge.

Ebijiro 7:58

N’erhi babà bamâmurhenza omu lugo, bamubanda amabuye. Abahamîrizi bâli barherekîze emyambalo­ yâbo aha magulu g’omwâna w’obusole, izîno lyâge ye Saulu.

Bahabraniya 13:12

Okwo kwo kwarhumire Yezu naye, erhi àkola acêsa olubaga n’omukò gwâge, àbabazibwa embuga y’olugo.