Mateyo 27:29 - BIBLIYA NTAGATIFU OMU MASHI

²⁹ N’erhi babà bamaluka ecimanè c’emishûgi, bamuhiraco omu irhwe, bamufumbasa olusheke omu kuboko kulyo. Bafukama embere zâge, banamushekera n’okuderha, mpu: «Asinge, mwâmi w’Abayahudi»!

Mateyo 27:29 ပူးပေါင်းရင်းမြစ်များ

Ennanga 69:7

Mâshi Nyakasane, murhambo w’engabo, abakulangâlira orhazigaga enshonyi zababumba erhi nie ntuma. Abakulonza, Nyamuzinda w’Israheli, orhazigaga nababonêsa nshonyi.

Izaya 49:7

Kwo adesire ntyâla Nyakasane, Côkola na Mutagatîfu w’Israheli, àkubwîra oyu bagayaguza, oshombwa n’abantu, Omujà w’abarhegesi, erhi: «Hano abâmi babona, bâyimuka, nabo abaluzi bâfukama, mpu bayêreke Nyakasane obukenge bwâbo, ye mudahemuka, ye Mwimâna w’Israheli wakwishogaga.»

Izaya 53:3

Agayaguzibwa ananenwa n’abantu; àli muntu wa malumwa, arhahusagya kubabala; àli ashushire olya abandi bacibwîkira obusù omu kumubona; àli agayaguzîbwe, na ntyo nîrhu rhwamulola nka bikabulirwa.

Yeremiya 20:7

Wantizize, Nyakasane, nanayêmêra narhizibwa, wampashire wanampîma. Lwâni badwîrhe balegerera bàyimba, abandi boshi nie badwîrhe bashekera.

Mateyo 20:19

Bayish’imuhà abapagani mpu bamushekere, bamushûrhe emikoba banamubambe oku musalaba; ci olusiku lwa kasharhu ayish’ifûka».

Mateyo 26:49

Oku anayisha ntya, ayirukira ayêgera Yezu, amubwîra, erhi: «Mpanyire omusingo, Muyigîriza!» Anacimunûnugurha.

Mateyo 27:37

Banaciyandika aha nyanya ly’irhwe lyâge igwârhiro ly’olufù lwâge, mpu: «Oyu ye Yezu, Mwâmi w’Abayahudi».

Marko 15:17

Bamuyambika ecishûli cidukula, n’erhi babà bamaluka ecimanè c’emishûgi, bamuhiraco omu irhwe.

Marko 15:18

Barhondêra bamulamusa, mpu: «Asinge, Mwâmi w’Abayahudi!»