Mateyo 26:45 - BIBLIYA NTAGATIFU OMU MASHI

⁴⁵ Okuhandi ashubira emunda abambali bâli, ababwîra, erhi: «Lêro mwankagwîshiraga munarhamûke! Amango gahisire; Mwene-omuntu akol’ihânwa omu maboko g’abanya-byâha.

Mateyo 26:45 ပူးပေါင်းရင်းမြစ်များ

1 Bâm 18:27

Erhi izûba lij’omu kalengerêre, Eliya abahà amasheka n’ebinioko erhi: «Muhamagale bwenêne kulusha buly’ali nyamuzinda, nkaba alimw’entanya erhi nîsi emikolo yamulugira, kandi erhi kubè kubalama abalamire; akabà îrò ajire, atulûka!»

Muhanûzi 11:9

We mwâna osîme obu ociri musole, onacîshinge ensiku ociri murhò oshimbe enjira omurhima gukuhire, n’enyifinjo amasù gakuyêresire. Ci kwône omanye oku muli ebyo byoshi, Nyamuzinda akuhamagala omu lubanja.

Mateyo 26:18

Anacibashuza, erhi: «Mujè omu cishagala, emwa lebè, munamubwîre, mpu: “Omwigîriza adesire ntya”: “Amango gâni gali hôfi, omu mwâwe najirira Basâka nie n’abaganda bâni”».

Mateyo 26:2

«Mumanyire oku lisirhondo Basâka abà, na Mwene-omuntu ahânwa mpu abambwe oku musalaba».

Mateyo 26:44

Abaleka, agend’ishenga obwa kasharhu, anaderha zirya nderho ntanzi.

Mateyo 26:46

Zûki, rhugende! Owampâna oyu oyiruka».

Marko 14:35

Erhi ashegûka hitya, acîrhimba oku idaho, ahûna mpu kukahashikana, ako kasanzi kamugere kulî.

Luka 22:53

Nobwo ngasi lusiku nali haguma ninyu omu ka-Nyamuzinda, murhanampumagakwo. Ci gakola mango ginyu gano n’obwâmi bw’omwizimya».

Yowane 12:23

Yezu abashuza, erhi: «Amango Mwene-omuntu akuzibwa gayishire.

Yowane 12:27

Bunôla omurhima gwâni gwamâfuduka. Ku­erhi naderhaga? Larha, oncize kuli aga mango. Càbà co carhumaga mpika muli aga mango.

Yowane 13:1

Embere z’olusiku lukulu lwa Basâka, Yezu erhi amanyire oku amango gâge gahisire g’okurhenga en’igulu n’okushubira emw’Îshe; n’erhi abà amâzigira abâge bàl’igulu, abazigira lwoshi.

Yowane 17:1

Erhi ayûs’iderha ebyo binwa, Yezu ayînamula amasù, agalamira e­nyanya, aderha, erhi: «Larha, amango gahisire: kuza Mugala wâwe, lyo Mugala wâwe akukuza,