Mateyo 26:43 - BIBLIYA NTAGATIFU OMU MASHI

⁴³ Erhi agaluka, ashimâna kandi bali îrò, bulya amasù gâbo gàli mazirho.

Mateyo 26:43 ပူးပေါင်းရင်းမြစ်များ

Migani 23:34

Nâwe obè nka muntu ogwîshîre omu nyanja emuhengere, erhi nka muntu ogwîshîre oku murhi.

Yônà 1:6

Omukulu w’o­ bwârho anacimuyegêra, amuzûsa, amubwîra erhi: «Cirhumire ogweshîre? Zûka, ocîkumbe Nyamuzinda wâwe. Nkaba Nyamuzinda arhukengêra, rhurhagifà.»

Mateyo 26:42

Ashub’igend’ishenga obwa kabiri, aderha, erhi: «Larha, akabà aka kabehe karhankagera ntanakanywîri, oku walonza kubâge!»

Mateyo 26:44

Abaleka, agend’ishenga obwa kasharhu, anaderha zirya nderho ntanzi.

Luka 9:32

Petro n’abâbo erhi bazidohîrwe n’îrò. Erhi basinsimuka, babona irenge lyâge, na balya bantu bo­mbî bayimanzire bo naye.

Ebijiro 20:9

Mwâli mwâna muguma wa musole mpu ye Eutiko, àli atamîre aha kabonezo. Erhi Paolo ajira kasanzi ashambâla, îrò linene lyamugwârha; n’erhi abà ali îrò, arhoga kurhenga enyumpa ya kasharhu y’enyanya, alind’ahika ahanshi, bamurhôla afîre.

Barom 13:1

Ngasi muntu akayumva abarhegesi bamukulîre; bulya ntà bukulu burharhenga emwa Nnâmahanga, n’amarhegesi ganahabà goshi Nyamuzinda yêne wagajiraga.