Mateyo 24:7 - BIBLIYA NTAGATIFU OMU MASHI

⁷ “Ecihugo câyimukire ecindi, n’obwâmi obundi bwâmi. Ecizombo n’omusisi byayisb’ibà hanji”.

Mateyo 24:7 ပူးပေါင်းရင်းမြစ်များ

2 Nganîro 15:6

Bâkazâgi hukuzanya, lugamba oku lundi, lugo oku lundi, bulya Nyamuzinda akazâgibahira mwo akavango n’amalibûko ga ngasi lubero.

Izaya 19:2

Nkola nakoza abanya-Mîsiri bône na nnène; bâlwîsanya bône na nnène: ngasi muntu alwîsa mwene wâbo, ngasi muntu âlwîsa omulungu wâge, ecishagala câlwîsa ecâbo cishagala, n’obwâmi bulwîse obwâbo bwâmi.

Izaya 29:6

Nyakasane Nyamuzinda w’Emirhwe akurhandûla omu mikungulo, omu misisi, omu cihôgêro, omu mpûsi ya kalemêra, omu mulaba n’omu ngulumira y’omuliro yâjà yasingônola byoshi.

Ezekiyeli 14:21

Ntyâla kwo adesire Nyakasane Nyamubâho: «Ciru erhi nankarhôla galya mahanya gâni anni g’okujugumya, engôrho, ecizombo, ebiryanyi n’ecihûsi, nka bihonda kuli Yeruzalemu, lyo mpezamwo ebintu n’abantu,

Ezekiyeli 21:27

Omu kuboko kulyo enyungu zamagwaârha Yeruzalemu: mpu yo agendihira ebimokolo byâge biri nka ngandabuzi, mpu ahâne irhegeko ly’okuyîrha embaga, mpu babande orhuhababo rhwa okutula entambala, mpu bahîre ebimokolo by’engandabuzi oku mihango, mpu bayûbak’emisinga, banahumbe emibunda.

Zakariya 14:13

Mw’ago mango Nyakasane ayish’ibalerhera bihogêro binji, ngasi muguma âyish’ikâyâbabira okuboko kw’owâbo banahimbagulizanye.

Luka 21:11

“Hâbè omusisi munene gw’idaho, n’ecizombo n’ecâhirà byâbè hanji; hayish’ibà n’eby’okuyôbohya, n’emalunga yârhenge ebimanyîso binene”.

Ebijiro 11:28

Banacirhengamwo muguma, izîno lyâge ye Agabo, ayimuka, arhondêra okaderha oku buhashe bwa Mûka mpu ecizombo câbà omu igulu lyoshi. Eco cizombo co ciryâla càbaga oku ngoma ya Klaudiyo.

Ebijiro 2:19

Nânajira ebirhangâzo era nyanya omu malunga n’ebisômerîne en’igulu: omukò, omuliro, n’amîshi gatumbûka.

Bahabraniya 12:27

Eco cinwa adesire, mpu «lindi liguma», ciyêrekîne oku ebyàgeragamwo omusisi byânahinduke, bulya biri biremwa, mpu ebirhankahuligana bihabêre.

Mafulûlo 6:12

Nashub’ibona: erhi abalaza eciziriko ca kali ndarhu, igulu lyageramwo omusisi munji; izûba lyashuba liru-liru nka nshoho nduke n’obwôya, n’omwêzi gwahindukirwa, gwashuba nka mukò;

Mafulûlo 6:5

Erhi abalaza eciziriko ca kasharhu, nayumva Ensimba ya kasharhu, erhi: «Yisha!» Nanacibona eciterusi c’ecibogo, n’owali ocitamîrekwo erhi afumbasire omulengo omu nfune.

Mafulûlo 6:6

Nayumva eliri nk’izù aha karhî ka zirya Nsimba, lyaderha, erhi: «Omulengo gw’engano y’omugati gufè idinari, na mirengo isharhu y’engano y’endogomi efè idinari; amavurha n’erivayi byôhe orhabihumagakwo!»

Mafulûlo 6:8

Nanacibona eciterusi c’akakumbi; owali ocitamîrekwo izîno lyâge ya Lufù, n’Okuzimu erhi kumukunjusirekwo. Babahà obuhashe kuli cihimbi ciguma ca kani c’igulu, mpu bayîrhe n’engôrho, n’ishali, n’ecihûsi, banayîrhe omu kukolêsa ebiryanyi by’en’igulu.