Mateyo 24:27 - BIBLIYA NTAGATIFU OMU MASHI

²⁷ Nka kulya omulazo gunahubuka ebushoshôkero bw’izûba gubonekere emunda lizikira, kwo Mwene-omuntu ayish’iyisha ntyo.

Mateyo 24:27 ပူးပေါင်းရင်းမြစ်များ

Ayubu 37:3

Yamânarhulukâna omu malunga mwoshi, n’emilazô yâge yamâlagiza kuhika ah’igulu lihekera.

Ayubu 38:35

Ka we rhegeka emilazô mpu egendage, ka enakubwîre, erhi: «Rhôno rhuli hano?»

Izaya 30:30

Nyakasane âyumvîsa izù lyâge ly’irenge, anayêrekane obuzirho bw’okuboko kwâge, omu bukunizi bunene n’omu ngulumira y’omuliro, omu milazô, omu nkuba y’ecihûsi n’ey’olubula.

Ezekiyeli 1:14

Ezôla nsimba zajaga zagenda zanagaluka zinali nka mulazo.

Zakariya 9:14

Nyakasane âyish’icîyêrekana embere zâbo, n’omwampi gwâge gwâyish’ibarabanya nka mulazo. Nyakasane ayish’ibûha omushekera anayishe nka cihonzi cahubuka ebuzikiro.

Malakiya 3:2

Ndi wakalembera olusiku lw’okuyisha kwâge, erhi nîsi ayimange olusiku âcîyâlagaza? Ayishiba nka muliro gwa mutuzi, nka nsabuni eyeruhya emyambalo.

Malakiya 4:5

Loli, nâmmurhumira omulêbi Eliya, embere olusiku lwa Nyakasane luyishe, lusiku lw’enkwi n’amîshi, lwa kujugumya.

Mateyo 16:27

Ci mumanye oku Mwene-omuntu ayish’iyisha bona bamalahika bâge omu bukuze bw’Îshe: lêro obwo ayish’ilyûla ngasi muguma oku bijiro byâge.

Mateyo 16:28

Mmubwîre okunali: Hali baguma muli abà bayimanzire aha, barhakabona olufù, kuhika babone Mwene-omuntu ayishire omu Bwâmi bwâge».

Mateyo 24:26

Kuziga amango bammubwîre, mpu: «Y’oyo omu irungu», murhayijaga, mpu: «Acîfulisire omu nyumpa» murhêmêraga.

Mateyo 24:3

Erhi acibà akola abwârhîre oku ntondo y’Emizêti, abaganda bâge bamushegeraho bufundafunda, bamubwîra, mpu: «Orhubwîre mangaci ebyo byâbà, n’ecâbe cimanyîso c’okuyisha kwâwe n’eca okuhwa kw’igulu.»

Mateyo 24:37

Nka kulya omu mango ga Nûhu, ntyo kwo Mwene-omuntu ayish’iyisha.

Mateyo 24:39

Abantu barhakengêraga bici, kuhika ecihonzi cayisha, cabahêka boshi. Ntyola kwo Mwene-omuntu ayish’iyisha.

Mateyo 24:44

Kuziga ninyu mubè masù, bulya Mwene-omuntu ayish’iyisha amango murhakengiri.

Mateyo 8:20

Yezu anacimushuza, erhi: «Banyambwe bajira obulumba, n’orhunyunyi rhw’omu malunga rhujira enyôgo; Mwene-omuntu yêhe arhajira aha ankaheba irhwe».

Yakôbo 5:8

Mucîhumbire ninyu; musêze emirhima omu nda, bulya Nyakasane ali hôfi ayishe.

2 Petro 3:4

n’okuderha, mpu: «Ngahi cirigi cirya ciragâne c’okuyisha kwâge? Kali balarha mîra bafâga, na byoshi kwo binaciri kulya byàli kurhenga okulemwa kw’igulu!»