Mateyo 24:21 - BIBLIYA NTAGATIFU OMU MASHI

²¹ Bulya ezo nsiku zâbà za malibuko garhazig’iboneka kurhenga okulemwa kw’igulu kuhika buno, garhakanaciboneka bundi.

Mateyo 24:21 ပူးပေါင်းရင်းမြစ်များ

Ezekiyeli 5:9

Nâjira ntyôla kuli we oku ntasagijira, ntakanacikujira bundi, n’ecarhuma gali agôla mabî gâwe magalugalu.

Daniyeli 12:1

Muli agôla mango ânayimange Mikaheli ye murhambo mukulu, ye wâyish’ilikûza abâna b’olubaga lwâwe, n’agôla mango gâbà mango ga malumwa galya garhasag’ibonekana bundi kurhenga ishanja linasingwa kuhika muli agâla mango. Na muli agôla mango olubaga lwâwe lwâyôkoka, ngasi yêshi wankabà ayandisirwe omu citabu.

Daniyeli 9:26

Hano kugera migobe makumi gali ndarhu n’ibirhi, Omucunguzi ayis’iyîrhwa na ntâye wayîma ahâli hâge. Olugo n’aka-Nyamuzinda byanashabûlwa n’omwâmi obarhezire, owayish’ihwera omu kavulindi na kuhika entambala ehwe erhi banashimbire ely’irhegeko ly’okushabûla.

Yoweli 1:2

Murhege okurhwiri mweshi bagula b’ecihugo, mufukûle amarhwîri ginyu mwe bantu b’e Yûda! Ka mwarhenzir’ibona kwa bene oku omu mango ginyu, erhi amango ga bashakulûza binyu?

Yoweli 2:2

Lusiku lwa mwizimya n’olwikungu, lusiku luyunjwîre bitù n’omwizizi. Nka kula lukula arhanda emashinji, ntyo kwo engabo y’abantu yâpamuka erhasâg’ibonekana bundi, erhakanacibonekana ciru n’eliguma.

Malakiya 4:1

Lolagi, olusiku luyîruka, luyakirîre nka muliro. Abashombanyi na banya­ nkola-maligo boshi, zirhabalekere muzî nîsi erhi ishami.

Mateyo 24:20

Mushenge murhag’iyish’iyaka omu mango g’e mpondo erhi omu luzira lwa Sabato.

Mateyo 24:29

Enyuma ly’amalibuko g’ezo nsiku, izûba lyâbà mwizizi, n’omwêzi gurhacibashe, n’enyenyêzi zanamanuka oku nkuba, n’eby’oku nkuba byâgera­ mwo omusisi.

Marko 13:9

“Ninyu mucîmanye”: “mwayish’ihânwa omu rhugombe, munashûrhirwe omu masinagogi, mwâhêkwe embere z’abarhegesi n’abâmi nie ntumire, oku kubà bahamîrizi embere zâbo”.

Luka 21:24

Bayish’igera oku bwôji gw’engôrho, bayish’ihêkwa bujà omu mashanja gwoshi, na Yeruzalemu ayish’ilabarhwa n’abapagani, kuhika amango g’abapagani gahike.

1 Batesalonika 2:16

Banakarhuhanza okuyigîriza abapagani mpu lyo barhacunguka; na ntyo barhahusa okuyûshûla olugero lw’ebyâha byâbo. Ci lêro obukunizi bwa Nyamuzinda mîra bwabarhindagakwo.

Mafulûlo 16:18

Hanacibà orhumêmè, n’amazù, n’emilazô, n’omusisi munji munji gwagera omu igulu. Nanga, kurhenga abantu bali omu igulu, omusisi munene ntyo, mungan’aho, ntà mango gushubig’ibà bundi.

Mafulûlo 7:14

Nâni, nti: «Waliha, wêne omanyire». Anacimbwîra, erhi: «Abo bo ba­lya bazind’irhenga omu malibuko madârhi; bàshusire emyambalo yâbo ba­nayiyêruhiza omu mukò gw’Omwâna-buzi.