Mateyo 24:19 - BIBLIYA NTAGATIFU OMU MASHI

¹⁹ Abakazi bali izîmi n’abayonsa ago mango, basômerwa!

Mateyo 24:19 ပူးပေါင်းရင်းမြစ်များ

2 Samweli 4:4

Yônatani ali agwêrhe omwânarhabana wajàga ahegera amagulu gombi. Ali akola agwêrhe myâka irhanu ali muburhe amango hayîsh’igiderha oku Saulu na Yônatani bafirîre aha Yizreeli. Omukazi wakâg’i mulera anacimurhôla mpu akola amuyâkana, emunda aciribirhiraga omu kuyâka nyamwâna akulumba analemala; izîno lyâge ye wali Mefibali.

2 Bâm 15:16

Okubundi Menahemu ahagula olugo lwa Tirsa asâbunga ngasi byanali omwôla lugo n’omu cishagala coshi, ahagula olwôla lugo ntyo ebwa kubà lurhamuyiguliraga enyumvi zâlwo ajà abwagûla abakazi bali mazîmi boshi.

Ndûlù 4:10

Abazîre, oku barhahimwa lukogo, lêro bôhe, bakaziyenda abâna bâbo banabalya, mw’obwo buhanya bunene bwarhogîre oku lubaga lwâni.

Mateyo 21:16

Banacimubwîra, mpu: «K’oyumvîrhe ebi abà badwîrhe baderha?» Yezu naye anacibashuza, erhi: «Nêci! Ci nkaba ntà mango muzig’isoma ezi nderho: Omu kanwa k’abâna barhò n’orhubonjo, mwo wakûzire obukuze?»

Mateyo 24:18

n’oli omw’ishwa arhashubirag’eka mpu arhôle omwambalo gwâge.

Mateyo 24:20

Mushenge murhag’iyish’iyaka omu mango g’e mpondo erhi omu luzira lwa Sabato.

Luka 21:23

“Abakazi bâbè bali nda erhi abâbe badwîrhe bayonsa ezo nsiku, bâsômerwa!”» Bulya hâbè malibuko manji omu cihugo n’obukunizi kuli eri ishanja.