Mateyo 24:11 - BIBLIYA NTAGATIFU OMU MASHI

¹¹ “Abalêbi b’obunywesi babè banji banarhebe bantu banji.

Mateyo 24:11 ပူးပေါင်းရင်းမြစ်များ

Mateyo 24:12

Na bulya amabî gayish’iyûshûka, obuzigire bwa banji bwânyihe”.

Mateyo 24:24

Bulya bayish’iyisha ba-Kristu bw’obwîhambi n’abalêbi bw’obunywesi, bayish’ijira ebimanyîso n’ebirhangâzo binji ebyankarheba ciru n’abîshogwa acibà kwankahashikana.

Mateyo 24:5

“Bulya banji bâyishe oku izîno lyâni, baderhe, mpu: ‘Nie Kristu’, banarhebe banji”.

Mateyo 7:15

Mumanye abalêbi b’obunywesi, abammujaho bayambirhe nka bâna-buzi, n’obwo omu murhima gwâbo bali biryanyi.

Marko 13:22

“Bulya bayish’iyisha ba-Kristu b’obwîhambi n’abalêbi b’obunywesi banji, banayish’ijira ebimanyîso n’ebirhangâzo mpu barhebe ciru n’abîshogwa acibà kwankahashikana”.

Ebijiro 20:30

“na muli mwe mwene mwârhenga abantu bayigîriza ebibî mpu lyo babona abaganda babashimba”.

1 Timoteyo 4:1

Mûka Mutagatîfu akudesire n’obwâlagale oku, omu nsiku nzinda, baguma bâhakana obuyêmêre, bashimbe abazimu b’okurhebana n’enyigîrizo za shetani;

2 Petro 2:1

Ci kwônene hali n’abalêbi b’obwîhabe omu lubaga, nk’oku n’omu kâgarhî kinyu hayish’ibà abîgîriza b’obunywesi, balêrhe emilala mibî, bahakane ciru Nnahamwâbo wabacungulaga, na ntyo barhakalegam’icîlêrhera bône obuhanya.

1 Yowane 2:18

Rhwâna rhawâni, gakola mango ga buzinda gano. Mwayumîrhe oku Antikristu âyisha; lêro abanzi ba Kristu bàyishire mwandu; n’eco co cimanyîso rhumanyirekwo oku gakola mango ga buzinda gano.

1 Yowane 2:26

Byo nalonzagya okummuyandikira ebyo erhi abakâlonza okummurheba bàrhuma.

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.

Yûda 1:4

Bulya hali abantu bammushesherîremwo bufunda-funda; balya batwîrîrwe olubanja kurhenga mîra: eyo mihera ekahindula engalo ya Nyamuzinda wîrhu eyijire masîma ga mubiri, ekâhakana Nnâhamwîrhu muguma yêne na Nyakasane Yezu Kristu.

Mafulûlo 19:20

Lêro cirya ciryanyi cagwârhwa, cagwârhirwa haguma na liryâla irumbi mpu mulêbi lyakazâg’icîjirira ebisômerîne. Ebyo bisômerîne byo akâg’irhebamwo ngasi balya boshi bâli bahebirwekwo ecimanyîso c’eco ciryanyi banagashâniza enshusho yaco. Bombi oku banali babirhi babakwêba omu cîna citwanyirwe­mwo omuliro gw’ecibiriti banacizîne.