Mateyo 23:5 - BIBLIYA NTAGATIFU OMU MASHI

⁵ “Ebijiro byâbo byoshi babijira mpu babonwe n’abantu. Co cirhuma bayambala amahembe manene banasîma emishumi mirîrî”.

Mateyo 23:5 ပူးပေါင်းရင်းမြစ်များ

2 Bâm 10:16

Anacimubwîra erhi: «Rhugende rhweshi wabona obushiru bwâni kuli Nnâmahanga». Anacimukanyanya omu ngâlè yâge.

Lubungo 13:9

“Ntyo câbà cimanyîso ekuboko kwâwe na mwîbûko ebusù bwâwe, lyo irhegeko lya Nyakasane libà omu kanwa kâwe, bulya kuboko kwâge kuzibu Nyakasane akurhenzagyamwo e Mîsiri”.

Migani 3:3

Obukûnda-Lulema n’obudahemuka birhakujâga kulî! obiyambalire omu igosi, obiyandikire oku lwâsi lw’omurhima gwâwe.

Ben Levi 13:32

Olusiku lwa kali nda, anashub’ilolêreza erya nnindi. Erhi ankabà erya nnindi erhajà yayushûka, n’erhi ankabà ntà lwôya lushusha amâle lulimwo, n’eyo nnindi erhajà yahumba akakoba k’omubiri,

Mateyo 9:20

Aho, omukazi walwâlaga omududu kurhenga myâka ikumi n’ibiri, amuyisha nyuma, ahuma oku cikwî c’omwambalo gwâge.

Luka 16:15

Anacibabwîra, erhi: «Mwe muciderha bimâna embere z’abantu, ci Nyamuzinda amanyire emirhima yinyu. Bulya eci abantu bakûnga, co cishologorha Nyamuzinda».

Luka 20:47

abà­nyomanya ebirugu by’abakana banaderha amasala malîmalî g’oburhebanyi. Bâbone olubanja lukali kulusha!»

Yowane 12:43

Ntyo basîma irenge lirhenga emwa abantu ahâli h’irenge lirhenga emwa Nnâmahanga.

Yowane 5:44

“Kurhi mwankayêmêra mwe mulonza okukuzibwa ngasi muguma n’abâbo, ci obukuze burhenga emwa Nnâmahanga yêne murhabulonza?”

Yowane 7:18

Oderha ebyage yêne, irenge lyâge alonza; ci olonza irenge ly’owamurhumaga, oyo ye derha eby’okuli, arhanabamwo bunywesi.

Lushika 11:18

Ebi binwa mmubwîzire, mubihirage oku murhima n’omu mûka gwinyu. Mubishwêkere oku kuboko nka cêrekane n’oku malanga nka ishembwa.

Lushika 22:12

Ecishûli wakazicîbwîkira, ohangire obushengerêre oku bikwi byâco oku binali bini.

Lushika 6:8

obishwêkere oku nfune zâwe nka kakengêzo n’oku malanga gâwe nk’ishembwa.

Bafilipi 1:15

Ntahabiri oku baguma banakayigîriza Kristu n’omurhima gw’obuyâgalwa n’okulonz’ilushana, ci abandi bakujira n’omurhima nkana.

Bafilipi 2:3

Ntâco mujirage n’omurhima gw’okucîberûlamwo mirhwe ibiri erhi gw’okucîyêrekana oku murhali; ci ngasi muguma akagerêreza n’obwîrhôhye oku abâbo bamulushire.

2 Tesalonika 2:4

ye Mubisha, olya ocîhira enyanya lya ngasi ciderhwa Nyamuzinda erhi eci bagashâniza kuhika okuj’itamala omu ka-Nyamuzinda n’okuderha mpu ye kola Nyamuzinda.