Mateyo 22:4 - BIBLIYA NTAGATIFU OMU MASHI

⁴ Ashub’irhuma abandi Bashi, erhi: «Mubwîre abalalike ntya: “Loli oku narheganyize olusiku lukulu; empanzi zâni n’ebibuzi byagwânîne orhwêre, byoshi byarheganyîbwe: muyishe oku buhya”».

Mateyo 22:4 ပူးပေါင်းရင်းမြစ်များ

Nehemiya 9:17

Balahira okuyumva, barhanacikengeraga birya birhangâzo byâwe, birya wajiraga oku bunguke bwâbo. Baniola ecikanyi c’igosi na muli obwo bugoma bwâbo bacîfinja okushubira e Mîsiri omu bujà bwâbo. Cikwône oli Nyamuzinda obabalira duba, Nyamuzinda mutûdu na wa bwonjo, mulembu omu kukunira na mugale omu minjà, na ntyo orhabalekereraga.

Ennanga 86:5

Na bulya Yâgirwa we mwinjà, we n’olukogo lushundwakwo; onaluzize obwonjo oku ngasi boshi bakusengera.

Migani 15:17

Ennambi y’ebishogo-shogo haguma n’obuzigire, yo nkulu aha mpanzi eshushagire enalikwo enshômbo.

Lwimbo 5:1

Namâjà omu busâne bwâni, wâni mwâli wîrhu, mukazi wâni; nkola ndwîrhe nahumbûla obukù bwâni n’amashahi gâni, ndwîrhe nalya omuke gwâni n’obûci bwâni, ndwîrhe nanywa idivayi lyâni n’amarhà gâni. Cinyweri bîra bâni, munywe mulaluke, barhonyi bâni.

Mateyo 21:36

Ashub’irhuma abandi ba­mbali banji kulusha abarhanzi; nabo babajira nk’oku bajiraga abandi.

Mateyo 22:5

Bôhe obwo barhumvagya, bacîgendera, baguma ebwa mashwa gâbo, abandi omu burhunzi bwâbo.

Mateyo 22:8

Anacibwîra abambali, erhi: «Olusiku lukulu lw’obuhya luli lurheganye, ci abàli balâlike barhàli bakwânîne.

Luka 14:17

“E­rhi amango g’okulya gahika, arhuma omwambali mpu aj’ilâlûla abalâlike, erhi”: “Mpu muyishage, bulya byoshi biri birheganye”.

Ebijiro 1:8

ci Mûka Mutagatîfu ammuyandagalira, ammuhè n’emisî y’enyanya; na ntyo mubè bahamîrizi bâni omu Yeruzalemu, n’omu Yudeya yoshi, n’omu Samâriya, na kuhika aha igulu lihekera»,

Ebijiro 13:46

Paolo na Barnaba banacibashuza n’oburhwâli, erhi: «Mwe mwâli mukwânîne okurhangibwîrwa akanwa ka Nyamuzinda; “ci kulya kubà mukalahîre mwanatwa mwene mpu murhakwânîni obuzîne bw’ensiku n’amango, rhucîkolera emwa abapagani”.

Barom 8:32

Arhababaliraga Omugala, ci amuhâna nterekêro kuli rhwe rhweshi; bici ankacibula bwarhuha haguma naye?