Mateyo 21:44 - BIBLIYA NTAGATIFU OMU MASHI

⁴⁴ Owâkulumbe kuli eryo ibuye, kuvunika anavunike n’oyu lyâkulumbekwo, kushanguka anashanguke.]

Mateyo 21:44 ပူးပေါင်းရင်းမြစ်များ

Ennanga 2:12

mucîkwêbe aha magulu gâge n’obwôba; buly’erhi ankakunira mwanahungumuka: oburhè bwâge kwo buyâka caligumiza nka ngulumira. Iragi lyâbo abamuyegemera!

Ennanga 2:9

«Wabamalîra n’engôrho yâwe», «onabavungunyule nka mubumbi wabera enyungu.»

Izaya 28:13

Lêro Nyakasane akola ababwiîa aka kanwa, erhi: «Irhegeko oku irhegeko, irhegeko oku irhegeko; ihano oku ihano, ihano oku ihano; hitya ahâla, hitya halîra», lyo bajà bazûzûrhira banahenganuka, bavunike, bagwe omu murhego banagwârhwe.

Izaya 60:12

Bulya ishanja erhi obwâmi byâbule bwakurhumikira byahirigirha, n’amashanja gâgukumûke.

Zakariya 12:3

«Mw’ago mango, Yeruzalemu nâmuhindula nk’ibuye, amashanja goshi gakaz’ilonza okulilengeza. Ngasi bagereze bayagalike. Okubundi amashanja g’igulu goshi gacilunge haguma gamurhêre.»

Mateyo 21:43

Co cirhumire mmubwîra nti: «Mwanyagwa Obwâmi bwa Nyamuzinda, buhâbwe abantu bâbukolera». [

Mateyo 21:45

Lêro erhi abakulu b’abadâhwa n’Abafarizeyi bayumva eyo migani, bamanya oku bo aderhaga.

Mateyo 26:24

Nêci, Mwene-omuntu acîkolera nk’oku ayandikîrwe, ci kwônene buhanya bw’oyu muntu Mwene-omuntu ahânwa naye! Kwakabîre kukulu oyu muntu arhaburhwe!»

Mateyo 27:25

Olubaga lwoshi lwashuza, lwaderha, mpu: «Omukò gwâge kuli rhwe n’oku bâna bîrhu!»

Luka 2:34

Simeoni anacibagisha, abwîra nnina Mariya, erhi: «Omanye oku oyu mwâna ayishire mpu abè iherero n’iciriro lya banji omu Israheli, abè cishombanya;

Luka 20:18

“Ngasi wâhirime kuli eryo ibuye ajonjolekana, naye oyu lyâhonerekwo, lyayish’imuvungunyula”».

Yowane 19:11

Yezu amushuza, erhi: «Ntà buhashe wankambwînekwo, acibâga orhabuhâbagwa kurhenga enyanya. Co cirhumire ecâha c’owampânaga omu maboko gâwe cilushire ecâwe».

Barom 9:33

nka kulya biyandisirwe, mpu: Ka murhabwîni oku mpizire omu Siyoni ibuye ly’okusârhaza n’ibuye ly’okuhirimya? Ci oliyêmîre arhankabonesibwa nshonyi.

1 Batesalonika 2:16

Banakarhuhanza okuyigîriza abapagani mpu lyo barhacunguka; na ntyo barhahusa okuyûshûla olugero lw’ebyâha byâbo. Ci lêro obukunizi bwa Nyamuzinda mîra bwabarhindagakwo.

1 Petro 2:8

lihinduke ibuye ly’okusârhaza n’ery’okuhirimya. Balisârhalakwo, kulya kubà barhayêmêra Oluderho, n’obwo olwo Luderho lwo bàlemeragwa.