Mateyo 21:34 - BIBLIYA NTAGATIFU OMU MASHI

³⁴ Erhi amango g’okurhalika gacibà hôfi, arhuma bambali bâge emw’abahinzi, mpu bayanke emizâbîbu yâge.

Mateyo 21:34 ပူးပေါင်းရင်းမြစ်များ

Izaya 5:4

Bici nal’inkwânîne okujirira olukoma lwâni lw’emizâbîbu, nabula n’okulujirirabyo? Carhumaga nnangalira nti lwanyânira emizâbîbu minjà, lwôhe lwabul’iyâna emizâbîbu mibî?

Yeremiya 35:15

Namurhumîre buzira kurhama na kanji kanji bambali bâni b’abalêbi boshi, nti bamubwîre mugaluke, ngasi muguma arhenge omu njira yâge mbî, nti muyinjihye ebijiro binyu, murhashimbaga bandi banyamuzinda mpu mubakolere: ago mango, mwanabêra omu cihugo namuhîre mweshi na basho. Ci­ kwône murharhegaga okurhwiri, murhanyumvagya.

Mateyo 21:35

Abahinzi bôhe banacigwârha balya Bashi, bashangula muguma, owundi bamuyîrha, owundi naye bamubanda amabuye.

Mateyo 21:38

Ci erhi abahinzi babona oyo mwâna, babwîrana, mpu: «Enfula yâge eyi: muyishe, rhuyiyîrhe, rhuciyîmire muli byo!»

Mateyo 21:40

«Lêro amango nna-lulya lukoma ayisha, bici ayajirire balya bahinzi?»

Mateyo 21:41

Banacimushuza, mpu: «Kuheza anaheze abo babî la, n’olukoma aluhiremwo abandi bahinzi bamurhengezamwo emizâbîbu ama­ngo gâyo».

Mateyo 22:3

Anacirhuma abambali mpu bahamagale abalalike oku buhya, ci bôhe bacîlahirira okuyisha.

Marko 12:1

Obwo arhondêra okubabwîra omu migani: «Muntu muguma anacihinga olukoma lw’emizâbîbu, aluyûbakira olugurhu, ahebamwo omukenzi, agwîkamwo omutungo; okubundi alusigira abahinzi, acîbalamira.

Marko 12:7

“Ci abahinzi babwîrana, mpu”: “Oyu, yo nfula yâyîme: yishî rhuyinige, rhuyish’ibà rhwe rhucîyîmira muli byo!”

Marko 12:9

“Kurhi nn’olukoma ayish’ijira obwo?” “Ayisha, ahôrha balya bahinzi, n’olukoma aluhè abandi”.

Luka 20:9

Anacirhondêra okubwîra olubaga ogu mugani, erhi: «Muntu muguma anacigwîka olukoma lw’emizâbîbu, alulangîsa abahinzi, agal’icîbalamira nsiku nyinji.