Mateyo 21:32 - BIBLIYA NTAGATIFU OMU MASHI

³² “Bulya Yowane ayishire muli mwe omu njira y’obushinganyanya, murhanamuyemeraga; abanya-byâha bôhe n’abakazi bagonyi bamuyêmêra; ci mwêhe erhi mubona olwo lwîganyo lwâbo, ciru murhacîyunjuzagya buzinda mpu muyêmêre”».

Mateyo 21:32 ပူးပေါင်းရင်းမြစ်များ

Izaya 35:8

Hâyîsh’ibà omulimbwa gwakûz’iderhwa njira ntagatîfu. Abarhacîri barhakayigeramwo, bulya Nyakasane yêne wayîsh’iyîgula eyo njira, n’orhudundaguzi rhurhakaderha mpu rhwâhabukiramwo.

Yeremiya 6:16

Kwo Nyakasane adesire ntya: Mujè omu njira za mîra, mudôse bwinjà enjira za mîra, ngahi yali enjira y’obwinjà? Muyiyankage, mwabona oku mwaluhûka. Ci bôhe bàdesire mpu «rhurhâyishimbe».

Mateyo 11:18

Yowane anaciyisha, arhalyaga arhananywaga; baderha, mpu: «Alimwo shetani.»

Mateyo 21:25

“Obubatizo bwa Yowane ngahi bwarhengaga? K’empingu erhi emwa abantu?” “Obwo bacîjamwo, bakaderha, mpu”: “Rhukaderha nti empingu, akola arhudôsa, erhi”: “Carhumaga murhacimuyêmêra?”»

Mateyo 21:31

«Ndi muli abo babiri wajizire obulonza bw’îshe?» Banacimushuza, mpu: «Omurhanzi». Yezu anacibabwîra, erhi: «Okuli, mmubwîzire oku abanyabyâha n’abakazi bagonyi bâmmurhange omu Bwâmi bwa Nyamuzinda.

Mateyo 5:46

Mâshi! mukazigiraga abamuzigira bônene, luhembo luci mwayish’ihâbwa? Ka ebishungu byôki birhajira ntyo?

2 Timoteyo 2:25

Kukwânîne ahanûle abashombanyi bâge n’obutûdu, bulya kwankanabà Nyamuzinda abahà okucîyunjuza, okumanya okuli

Bahabraniya 3:12

Mumanye, bene wîrhu, murhabâgamwo ow’omurhima mubî n’omubula-buyêmêre, mpu acîyêgule na Nyamuzinda nn’obuzîne.

2 Petro 2:21

Bulya kwankabire kukulu kuli bo okurhamanya enjira y’obushinganyanya ah’okuyimanya na buzinda bagal’ileka eryôla irhegeko litagatîfu bahâbagwa.

Mafulûlo 2:21

Namuhîre amango nti abè acîyunjuza, ci arhalonza agokôle okuhusha kwâge.