Mateyo 20:34 - BIBLIYA NTAGATIFU OMU MASHI

³⁴ Okubundi Yezu anacigwârhwa n’olukogo, abahuma oku masù: ho na halya babona, banamukulikira.

Mateyo 20:34 ပူးပေါင်းရင်းမြစ်များ

Ennanga 119:67

Embere mbabale erhi ndi muhabâ, lêro akanwa kâwe namâkasêza nti nkalange.

Ennanga 119:71

Akwizize nnambabale, nkolaga nayîga amarhegeko gâwe.

Ennanga 145:8

Nyamubâho abà mwinjà na wa lukogo, arhakunira duba abà na wa buzigire.

Mateyo 14:14

Erhi acirhenga omu bwârho, abona nyamugege w’abantu, ababêra obwonjo, anafumya abalwâla bâli muli bo.

Mateyo 15:32

Erhi abà amahamagala abaganda bâge, Yezu ababwîra, erhi: «Namabonera olubaga obwonjo; bulya zikola nsiku isharhu zino kurhenga banshimbire, barhanagwêrhi eci balya. Okubalîka bashalisire, ntalonza: bankafira omu njira».

Mateyo 20:33

Banacimushuza, mpu: «Muciza, nti nîrhu rhubone!»

Mateyo 21:1

Erhi bacihika hôfi h’e Yeruzalemu, oku ntondo y’Emizêti, e Betefaje, Yezu arhuma baganda bâge babiri.

Mateyo 8:15

Amuhuma oku kuboko, n’ishushira lyamulîka. Anacizûka, abakolera.

Mateyo 9:29

Aho anacibahuma oku masù, anababwîra erhi: «Bibè nka oku mwayêmîre».

Mateyo 9:36

Lêro erhi abona orhutu rhw’abantu, obwonjo bwamugwârha, bulya bali bahugalîre banashiramire nka busô burhagwêrhi mungere.

Marko 7:33

Anacicîyêgûla omu lubaga, acîhira hâge hâge, acîhira eminwe omu marhwiri, ajabika omunwe n’amarhî, acihuma oku lulimi.

Luka 18:43

Ho na halya ayirukira abona; amukulikira, aj’akuza Nnâmahanga. Nalwo olubaga erhi lubona, okwo, lwajîra Nyamuzinda irenge.

Luka 22:51

Yezu aderha, erhi: «Mulekerage aho». Amuhuma oku kurhwiri, amufumya.

Luka 7:13

Erhi Nyakasane amubona, amufa bwonjo, amubwîra, erhi: «Orhalakaga».

Ebijiro 26:18

lyo obahûrhûla amasù, barhenge omu mwizimya, bajè ebwa bulangale, baleke okushiga shetani, bashige Nnâmahanga; na ntyo, obuyêmêre banyêmêra burhuma, bababalirwe ebyâha byâbo banashobôle okuyish’iyîma haguma n’abatagatîfu.

Bahabraniya 2:17

Okwo kwarhuma acîshushanya n’abalumuna muli byoshi, mpu lyo abà mudâhwa mukulu w’olukogo n’ow’okucîkubagirwa omu biyêrekiîre Nyamuzinda, lyo alyûla ebyâha by’olubaga.

1 Petro 3:8

Buzinda mweshi mweshi mulungane, mukaz’ifà abinyu olukogo, muzigirane nka bâna ba nda nguma, mubè ba bwonjo na bîrhôhye.