Mateyo 20:21 - BIBLIYA NTAGATIFU OMU MASHI

²¹ Naye anacimubwîra, erhi: «Bici walonza?» Amushuza, erhi: «Abâna bâni abà oku bali babiri; orhegeke babwârhale omu Bwâmi bwâwe, muguma ekulyo kwâwe, owundi ekumosho».

Mateyo 20:21 ပူးပေါင်းရင်းမြစ်များ

1 Bâm 2:19

Betisabeya anacikanya ajà emunda mwâmi ali agend’imushambâlira ogwa Adoniyasi. Mwâmi anaciyimuka akola agend’iyankirira nnina, anaciyunamiriza embere zâge agal’itamala oku ntebe yâge y’obwâmi. Balêrha eyindi ntebe ya nnina wa mwâmi, naye amutamala ekulyo.

1 Bâm 3:5

Lêro Nyakasane abonekera Salomoni budufu omu bilôrho aho Gabaoni. Nyamuzinda amubwîra erhi: «Ombwîre eci nakuhà».

Esteri 5:3

Mwâmi anacimudôsa, erhi: «Bici bikugwêrhe, mwamikazi Esteri? Mbwîra bici walonza? Ciru akabà luhande ly’ecihugo câni nanakuhalwo.»

Ennanga 110:1

Lulanga. Lwa Daudi. Nyakasane àjire aho abwîra Nnawîrhu akanwa, erhi: «Bwârhala ekulyo kwâni, ntangiyandaza abashombanyi bâwe aha magulu gâwe».

Ennanga 45:9

Emyambalo yâwe edwîrhe yabaya bwinjinjà nka nshangi, obukù na nka bubâni n’omu burhwâli bwâwe buyûbake n’ihembe, ennanga zidumûsire zinakushagalusize.

Yeremiya 45:5

Nâwe odwîrhage wahûna mpu bakuhè byâwe-byâwe. Orhahûne, bulyâla, sinza: buhanya nalêrhera ngasi mubiri, Nyakasane okudesire. Na nâwe, omunyago nkuhîre, bunali obuzîne bwâwe, ngasi aha wakanaja».

Mateyo 18:1

Muli ako kanya, entumwa zanacija hali Yezu, zamudôsa, mpu: «Ndi wankaderha mukulu omu Bwâmi bw’empingu?»

Mateyo 19:28

Yezu naye anacibabwîra, erhi: «Okuli, mmubwîre, mwe mwanshimbire, olusiku luhyâhya, amango Mwene-omuntu abwârhala oku ntebe y’irenge, ninyu mwâbwârhale oku ntebe ikumi n’ibiri mukola mwatwa olubanja lw’emilala ikumi n’ibiri y’Israheli.

Mateyo 20:22

Yezu anacishuza, aderha, erhi: «Murhamanyiri ebi muhûnyire. Ka mwankahash’inywa omulengo nayîsh’inywa?» Banacimubwîra, mpu: «Rhwanahasha».

Mateyo 20:32

Obwo Yezu anaciyimanga, abahamagala, anababwîra, erhi: «Bici mwalonza mmujirire».

Marko 10:51

Yezu amudôsa, erhi: «Cici walonza nkujirire?» Naye olya muhûrha, erhi: «Yâgirwa, nti nâni mbone».

Marko 16:19

Erhi Mwâmi Yezu ayûs’ibabwîra ntyo, anacihêkwa emalunga, abwârhala ekulyo kwa Nyamuzinda.

Marko 6:22

Mwâli wa Herodiyada erhi ayisha, aj’eruhya, arhamba, asîmîsa Herodi n’abalalike. Okubundi mwâmi anacibwîra olya mwâna-nyere, erhi: «Ompûne ngasi eci olonzize, nakuhâco».

Luka 18:41

«Cici walonza nkujirire?» - Naye, erhi: «Yâgirwa, nti mbone nâni!»

Luka 19:11

Erhi olubaga lubà ludwîrhe lwayumvirhiza ebyo binwa, ashub’ibatwa omugani, bulya ali hôfi n’e Yeruzalemu, nabo erhi badwîrhe bacikêbwa mpu Obwâmi bwa Nyamuzinda bwâyirukira bwaboneka caligumiza.

Luka 22:24

Akadali kabazûkamwo mpu ndi mukulu muli bo.

Yowane 15:7

“Mukambêramwo n’ebinwa byâni bikasêra omu mirhima yinyu, muhûne ngasi coshi mulonzize, mwâcibona”.

Ebijiro 1:6

Erhi babà bacîgushire ntyo haguma, banacimudôsa, mpu: «Yâgirwa, ka buno ly’okola washub’iyimanza obwâmi bw’Israheli?».

Barom 12:10

Muzigirane nk’abalondana; ngasi muguma akakenga abâbo nk’abamukulîre.

Barom 8:34

Ndigi wankacibayagiriza? Ka Yezu Kristu wafâga anafûka? Ka Yezu Kristu otamîre ekulyo kwa Nyamuzinda, odwîrhe arhulagira?

Bakolosi 3:1

Obu mwafûsire haguma na Kristu, mukâg’ishwîra eby’enyanya, yo Kristu abutamîre ekulyo kwa Nyamuzinda;