Mateyo 2:4 - BIBLIYA NTAGATIFU OMU MASHI

⁴ Ahamagala abakulu b’olubaga, bo bajinji n’abashamuka b’ihano, abadôsa lunda luhi Kristu anaburhîrwe.

Mateyo 2:4 ပူးပေါင်းရင်းမြစ်များ

2 Nganîro 34:13

Abôla bakazâgiyêrekana emikolo n’okulola ngasi bandi bakozi oku ngasi mukolo. Hali abandi baleviti bali bandisi, abakazagilanga ebirugu by’omu nyumpa n’abalanzi b’emihango.

2 Nganîro 34:15

Okubundi, Hilikiyahu ajà omu kanwa abwîra Shafani ye mwandisi erhi «Namarhôla ecitabu c’oburhegesi omu Ka-Nyamubâho;»

2 Nganîro 36:14

Abarhambo b’abadâhwa bayûshûla nabo obugoma, n’amabî g’agandi mashanja, banahemula n’aka-Nyamuzinda kalya yêne agishaga aha Yeruzalemu.

Ezra 10:5

Ezra anaciyimuka, alahiriza abakulu b’abadâhwa n’ab’Abaleviti, na bene Israheli boshi mpu banajag’ijira nk’okwo binadesirwe; nabo bacîgasha.

Ezra 7:6

Oyu Ezra anacisôka kurhenga e Babiloni. Ali mwandisi omanyîrîre enyigîrizo za Mûsa, ezi Nyamubâho, Nyamuzinda w’Israheli ahânaga yêne. Kulya kubà okuboko kwa Nyamuzinda kwàli kuli ye, mwâmi anamuyêmêrera ngasi ebi anahûnaga byoshi.

Nehemiya 12:7

Salu, Amok, Hilkiya, Yedaya; abo boshi bâli bakulu ba badâhwa amango ga Yozwè kuguma na bene wâbo.

Ennanga 2:2

Abâmi b’igulu bamâhuluza engoma, nabo abaluzi bamâja ihano mpu bagomere Nnâmahanga n’omwîshogwa wâge.

Yeremiya 8:8

Kurhi mwakaderhaga mpu «rhuli barhimanya rhugwêrhe irhegeko lya Nyakasane!» Kwo binali; mwalihindwîre binywerhe oburhûza, bunywesi bw’omugera gw’abandisi.

Malakiya 2:7

Nêci, guli mukò­lo gwa mudâhwa okuyigîriza abantu bamanye Nyamuzinda, omudâhwa ye abantu bayishikamudôsa amarhegeko bashimba, bulya ye mujà-bugo wa Nyakasane w’Emirhwe.

Mateyo 13:52

Anacibabwîra, erhi: «Co cirhumire ngasi muyigîriza ohindusire mwâna w’Obwâmi bw’empingu, anagererwakwo nnakà okarhenza omu mbîko yâge ebintu bihyâhya n’ebikulùkulù».

Mateyo 2:3

Erhi Mwâmi Herodi ayumva ntyo, ageramwo omusisi haguma n’abantu b’e Yeruzalemu boshi.

Mateyo 2:5

Bamubwîra oku omu cihugo ca Yûda e Betelehemu: kwo omulêbi ayandisire, erhi:

Mateyo 21:15

Erhi abakulu b’abadâhwa n’abashamuka b’ihano babona ebi­sômerîne amâjira, n’abâna badwîrhe bayamira omu ka-Nyamuzinda, banaderha, mpu: «Aganze Mwene Daudi!» bagwârhwa n’obumvu.

Mateyo 21:23

Erhi acihika omu ka-Nyamuzinda, arhondêra okuyigîriza. Lêro abakulu b’abadâhwa n’abagula b’olubaga bamujaho; banacimubwîra, mpu: «Oku buhashe buhi ojiramwo ebi byoshi? Na ndi wakuhâga obu buhashe?»

Mateyo 26:3

Okuhandi abajinji b’abadâhwa n’abagula b’olubaga bashimânana omu côgo c’omudâhwa mukulu, oderhwa Kayifa.

Mateyo 26:47

Oku acidwîrhe aderha, Yûda, muguma muli balya Ikumi-na-babiri, y’ono y’ono, adwîrhe ngabo nyinji efumbasire engôrho n’amahiri, erhumirwe n’abajinji b’abadâhwa n’abagula b’olubaga.

Mateyo 27:1

Erhi buca, abajinji boshi n’abagula b’olubaga bajîra Yezu ihano, mpu bamuyîrhe,

Mateyo 7:29

Bulya akâg’ibayigîriza nka ogwêrhe obuhashe, arhanali nk’abigîriza bâbo.

Marko 8:31

Okubundi arhondêra okubayigîriza oku Mwene-omuntu akwânîne ababazibwe bwenêne n’okunenwa n’abagula b’olubaga, abajinji b’abadâhwa n’abashamuka b’ihano, ayîrhwe, n’enyuma lya nsiku isharhu afûke.

Luka 20:19

Aho abajinji b’abadâhwa n’abashamuka b’ihano balonza oku bamugwârha, ci bayôboha olubaga. Bâli bayumvîrhe oku ogo mugani bo aguderhîre.

Luka 23:10

O­bwo erhi abajinji b’abadâhwa n’abashamuka b’ihano ho bali; barhàhusagya okumushobeka.

Yowane 18:3

Yûda anaciyisha adwîrhe engabo y’abasirika n’abaganda barhumirwe n’abakulu b’abadâhwa n’Abafarizeyi. Bali bafumbasire amatara n’orhumole n’amatumu.

Yowane 3:10

Yezu amushuza, erhi: «Kàli oli muyigîriza omu Israheli, wanagal’ihaba ebyo?

Yowane 7:32

Abafarizeyi bayumva oku olubaga ludwîrhe lwamukûnga kungan’aho; bàrhuma abaganda mpu bamugwârhe.

Yowane 8:3

Abashamuka b’ihano n’Abafarizeyi bamulêrhera omukazi wagwârhagwa omu bugonyi, bamuhira ekâgarhî k’abà­ntu boshi,

Ebijiro 23:9

Banacijira lubî lunji, na bashamuka b’ihano baguma b’omu Bafarizeyi bayimanga, bakaliba bwenêne, mpu: «Ntà kubî rhubwînemwo oyu muntu! Ka gurhankanabà mûka erhi malahika washambîre bo naye?»

Ebijiro 4:5

Okuhandi erhi buca, abakulu b’Abayahudi, abagula n’abashamuka b’ihano bashimânana e Yeruzalemu.

Ebijiro 6:12

Na ntyo bazûsa akavulindi omu lubaga n’omu bagula n’omu bashamuka b’ihano. Okubandi banacimurhibukira, bamugwârha, bamuhêka e kagombe.