Mateyo 19:13 - BIBLIYA NTAGATIFU OMU MASHI

¹³ Obwo banacimulêrhera abâna mpu abagishe anabasengerere. Ci abambali bôhe banacibakalihira.

Mateyo 19:13 ပူးပေါင်းရင်းမြစ်များ

Murhondêro 48:1

Enyuma z’aho, bàbwîra Yozefu mpu: «Lolà oku sho alwazire!» Yozefu arhôla abagala bombi, Menashè na Efrayimu, bagenda boshi.

Yeremiya 32:39

“Nkola nâshubibahà murhima muguma na ngeso nguma, lyo bashubinkenga lwoshi, nâbahà oluhembo na buzinda abâna bâbo”.

Mateyo 16:22

Lêro Petro amukema, arhondêra amukalihira anamubwîra, erhi: «Nanga, Waliha! okwo kurhabè!»

Mateyo 19:12

Bulya hali abalamba barhenzire ntyo omu nda za bannina; hali n’abalamba bajizirwe ntyo n’abantu; haligi n’abalamba bacijizire ntyo bône erhi Bwâmi bw’empingu burhuma. Ohashir’iyumva, ayumve!»

Mateyo 20:31

Kalya katù k’abantu kanacikaz’iyikalihira mpu ehulike. Lêro yôhe yanaciyâma, yalushisa, yanaderha, mpu: «Muciza w’abantu, Mwene Daudi, orhubêre obwonjo!»

Ebijiro 2:39

“Bulya amalaganyo gali ginyu n’abâna binyu na ngasi boshi bali kuli, balya boshi Nyakasane Nyamuzinda wîrhu ânahamagale”».

1 Bakorinti 7:14

Bulyâla omulume orhali mwemêzi acêsîbwe na mukâge, n’omukazi orhali mwemêzi acêsîbwe n’ibà oli mwemêzi. Acibâga birhali ntyo, rhinga abâna binyu bazinzire. Ci buno bali bacêse.

1 Samweli 1:24

Erhi ayûsimulekêsa okuyonka, Ana ahêka Samweli n’empanzi ya myâka isharhu, n’omulengo gw’enshâno n’entendere y’idivayi, abihêka omwo ka­ Nyamuzinda eyo Silo bon’oyo mwâna.