Mateyo 18:8 - BIBLIYA NTAGATIFU OMU MASHI

⁸ “Akabà okuboko kwâwe erhi okugulu kwâwe binakushumike, obitwe, okabulire kulî”: “kuli kwinjà okujà omu Buzîne kabokwè erhi kagulu kulusha okuhêka maboko abiri erhi magulu abiri omu muliro gurhazima”.

Mateyo 18:8 ပူးပေါင်းရင်းမြစ်များ

Izaya 30:22

Mwâkaz’ilola nk’izinga enshushano zinyu zàtulagwa n’amarhale n’ensalamu zinyu nshîge masholo. Okabikabulira kulî nk’izinga, obibwîre, erhi: «Rhengi!»

Izaya 33:14

Omu Siyoni, abanya-byâha bamârhungwa n’obwôba; banyankola-maligo bamâgeramwo omusisi, mpu: «Ndi mulirhwe wankahash’ibêra mw’eco cibeye cayâka ensiku n’amango?»

Ezekiyeli 18:31

Mulekage ebyâha binyu byoshi mwakazâgingayisamwo munarhôle omurhima muhyâhya n’omûka muhyâhya. Cici cirhumire wâcilongeza olufù, wâni mulala gw’Israheli?

Mateyo 17:27

Ci kwônene, lyo rhurhabasârhaza, ojè emashinji, ogend’iloba, n’enfî ntanzi wakagwâsa, oyilole ekanwa: washimânamwo ensaranga; oziyanke, obahêzo kuli nie nâwe».

Mateyo 25:41

Okubundi anacibwîre abâli ebwa kumosho kwâge nabo, erhi: «Ntengiho, mwe bakagwa, mujè omu muliro gurhazima, gwarheganyizibagwa shetani na bamalahika bâge.

Mateyo 25:46

Okuhandi abo banajà omu malumwa garhahwa, n’abashinganyanya bajè omu buzîne bw’ensiku n’amango.

Luka 14:33

“Ntyo ninyu kwo na kuguma”: “ngasi yêshi orhalesiri ebi ajira, byoshi, arhankabà muganda wâni”».

Luka 16:24

Anaciyâkûza, erhi: «Mâshi larha Abrahamu, ombabalire, orhume Lazaro avumvuze omunwe gwâge omu mîshi, nyokolesemwo olulimi, bulya nahîre ntugurhira muno muliro.

Barom 13:12

Obudufu bwaling’igera, n’obuce buyiruka. Kuziga rhulekage ebijiro by’o­mwizimya, rhufumbarhe amatumu g’obulangashane.

Mafulûlo 14:10

oyo anywa oku idivayi ly’obukunizi bwa Nyamuzinda, lirya lihungulîrwe omu ka­bêhè k’omutula gwâge buzira ngushè; omuliro n’ecibiriti byâmulîkiza amagala omu masù ga Bamalahika batagatîfu n’omu masù g’Omwâna-buzi.

Mafulûlo 20:15

Na ngasi yêshi orhàli muyandike omu citabu c’obuzîne, bâmukwêba omu Cîna n’omuliro.

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».