Mateyo 18:25 - BIBLIYA NTAGATIFU OMU MASHI

²⁵ Erhi oyo muntu ahaba kurhi ankajuha, nnâhamwâbo arhegeka mpu bamuguze bo na mukâge n’abâna bâge na ngasi byoshi àli agwêrhe, lyo abona oku alyûla.

Mateyo 18:25 ပူးပေါင်းရင်းမြစ်များ

2 Bâm 4:1

Mukazi muguma wa mwene wâbo abalêbi, anaciyâkûza Elishaʿ anacimubwîra erhi: «Omurhumisi wâwe ibanie àfîre, orhanahabiri oku ali muntu orhînya Nyakasane, ci konene owalimubîsize ebirugu anayîshire arhôla abâna bâni bombi amabahêka bujà».

Nehemiya 5:5

“Mpu na buno omubiri gwîrhu guli nka omubiri gwa bene wîrhu, abâna bîrhu bali nk’abâna bâbo, àla oku rhwajira abâna bîrhu bajà, abarhabana n’abanyere. Hali baguma omu banyere bîrhu bakola bali bajà-kazi! Na ntâco rhwankahasha kuli okwo, bulya amashwa gîrhu n’enkoma zîrhu z’emizâbîbu zikola zibà za bandi”».

Nehemiya 5:8

“Rhwacungwîre bene wîrhu b’Abayahudi bali baguzîbwe emwa agandi mashanja, kurhi mw’oyo mukolaga mwalonz’icigûza mwênene emwa bene winyu nobwo rhinga emwîrhu yo bankayishir’iguzîbwa?”» Bahulika, babula eci bàdesire.

Lubungo 21:2

Amango okagula omujà Muyahudi, anakukolera myâka ndarhu, ogwa kali nda, analîkwe, buzira kujuha cici.

Lubungo 22:3

Ecintu cazimbagwa, empanzi, endogomi erhi cibuzi, cikashângwa cicizîne omu maboko gâge, cirya cintu anahyûle kabirhi.

Izaya 50:1

Kwo adesire ntyâla Nyakasane: «Ngahi ciri ecêrhè c’okuvuna obuhya cihamîriza oku nahulusize nyoko? Nîsi erhi emwa ndi nammuguzize bujà nti lyo mmulyûla emyenda mmubâmwo? Mabî ginyu gàrhumaga muguzibwa, bugoma bwinyu bwarhumaga nyoko ahulusibwa».

Ben Levi 25:39

Erhi mulungu wâwe ankakenera bwenêne aha burhambi bwâwe na muli okwo acîguze emunda oli, orhamukolêsagya nka mujà.

Mateyo 18:24

Erhi abà akola adwîrhe adôsa, bamulêrhera muntu muguma wamulimwo binôno igana bya magerha.

Luka 7:42

Erhi babula eci bajuha, ababêrwa obwo­njo bombi. Ohi muli bo wamuzigira kulusha?»