Mateyo 18:15 - BIBLIYA NTAGATIFU OMU MASHI

¹⁵ Erhi mwene winyu ankajira kubî, ogende, omujeho, omukalihire wêne naye. Akakuyumva, erhi wagalwîre mwene winyu.

Mateyo 18:15 ပူးပေါင်းရင်းမြစ်များ

Ennanga 141:5

Omushinganyanya ankomekwo: kwo kukulu. Ankalihire erhi kwo: gali mavurha omw’irhwe. Irhwe lyâni lirhâgalahire, Nâkazicîsâlirira oku bali omu bubî bwâbo.

Migani 11:30

Emburho y’obushinganyanya yo emerakwo omurhi gw’akalamo enkola-maligo zàhêkwa n’amango garhajihika.

Ben Levi 19:17

Orhabîkiraga mwene winyu akarhinda, onamuhanûle erhi kwo, lyo orhag’icibarhuza ecâha.

Mateyo 18:14

Ntyo, burhali bulonza bwa Sho w’empingu mpu muguma muli abà barhôrhô ahere.

Mateyo 18:21

Okubundi Petro anacimujaho, amubwîra, erhi: «Muhanyi, kanga nkwânîne okubabalira mwene wîrhu erhi akanjirira kubî? Ka kali nda?»

Mateyo 18:35

Ntyo kwo Larha w’empingu ayish’immujirira, akabà ngasi muguma arhababaliri owâbo n’omurhima gwoshi.

Barom 12:21

Omanye wankahimwa n’obubî, ci ohime obubî omu kujira aminjà.

1 Bakorinti 8:12

Omu kubîhira bene winyu ntyôla n’omu kubayâgaza omurhima gunali muzamba, Kristu mubîhîre.

2 Bakorinti 7:12

N’akabà nammuyandikîre, arhali olya wagayisanyagya ye warhumire, arhanali olya bagayisagya. Kwàli kuderha nti obukombêdu bwinyu kuli rhwe bubonekane embere za Nnâmahanga.

Bagalasiya 6:1

Bene wîrhu, ciru omuntu ankagwârhwa omu câha, mwe bâna ba Mûka, munamuyigîrize n’olukogo; ci omanye wankagwa omu mashumi nâwe!

Bakolosi 3:13

Mukâlemberana munababalirane aka­ba hali owagayîsize owâbo. Nyakasane ammubabalire: mumuyankirekwo olwiganyo.

1 Batesalonika 4:6

Muli okwo harhajiraga owasârhaza mwene wâbo erhi okumujira buligo; bulya Nyakasane anacîhôle kw’ebyo byoshi, nka kulya rhwammubwiragakwo rhwanakuhamîriza

2 Tesalonika 3:15

Kwônene mumanye mwankamulola nka mushombanyi, ci mumuhanûle kulyâla omuntu ahanûla mwene wâbo.

Tito 3:10

Naye nyantwâzakwâge, okamukalihira liguma erhi kabiri, onamuyâke.

1 Petro 3:1

Ntyôla, ninyu mwe bakazi, mukâyumva babalo, lyo ciru hankajira abarhalonza okuyêmêra Oluderho, balêrhwa n’olwiganyo lwa bakâbo buzira binwa,