Mateyo 17:24 - BIBLIYA NTAGATIFU OMU MASHI

²⁴ Erhi bacihika e Kafarnaumu, abakâg’ihôza entûlo y’aka-Nyamuzinda bajaho Petro, banamubwîra, mpu: «Ka Nnâhamwinyu yêhe arhahàna ntûlo y’aka-Nyamuzinda?»

Mateyo 17:24 ပူးပေါင်းရင်းမြစ်များ

Nehemiya 10:32

Kandi rhwalagânana oku erhi amashanja ga muli eci cihugo gankanayîsha mpu gal’iguza ebirugu, kandi erhi biryo bilebe oku lusiku lwa Sabato, rhurhagule bici kuli olwo lwa Sabato, n’oku lundi lusiku oku rhwaleka oku mwâka gwa kali ndarhu obudaka buyîse, buhûmûke kuguma na ngasi myenda yalyûlwa.

Lubungo 30:13

“Alaga ebi ngasi wanaganjwe akazihâna: cigabi ca kabirhi c’esikeli y’omu ka-Nyamuzinda, erya ya ngero makumi abirhi oku ngasi sikêli. Eco cigabi ca kabirhi c’esikeli ebè ntûlo ya Nyakasane”.

Lubungo 38:26

yo beka nguma erhi cihimbi c’esikeli kuli ngasi muntu, omu kugerera oku sikêli y’omu ka-Nyamuzinda oku ngasi muntu waganjirwe kurhangirira oku myâka makumi abirhi na kulusha: bo bantu bihumbi magana gali ndarhu na bisharhu na magana arhanu na makumi arhanu.

Mateyo 5:46

Mâshi! mukazigiraga abamuzigira bônene, luhembo luci mwayish’ihâbwa? Ka ebishungu byôki birhajira ntyo?

Marko 9:33

Banacihika e Kafarnaumu. Erhi babà bakola bali omu nyumpa, abadôsa, erhi: «Kadali kaci kalya mwagwêrhe omu njira?»