Mateyo 15:36 - BIBLIYA NTAGATIFU OMU MASHI

³⁶ Ayanka erya migati oku eri nda na zirya ndûgu, avuga omunkwa, ayibega, ayihà abambali, abambali nabo bayihà olubaga.

Mateyo 15:36 ပူးပေါင်းရင်းမြစ်များ

Mateyo 14:19

Erhi ayûs’i­ bwîra abantu mpu babwârhale oku lubala, n’erhi acirhôla erya migati irhanu na zirya nfî ibiri, kwo kugalamiraga emalunga, abigisha; n’erhi abà amâbega emigati, ayihà abaganda bâge, nabo bayihêreza abantu.

Mateyo 15:35

Okuhandi anacirhegeka mpu abantu babwârhale oku idaho.

Luka 22:17

Okubundi ayanka akabehe, avuga omunkwa, erhi: «Yanki, mugabâne mwene na nnene;

Luka 22:19

Anaciyanka omugati, avuga omunkwa, ogubega, abahà, erhi: «Eci ciri mubiri gwâni gwahânwa mwe murhumire. Mukâjira ntyo kubè kukanke­ngera».

Luka 24:30

Erhi abà akola ali oku cîbo haguma nabo, anaciyanka omugati, avuga omunkwa, agugisha, n’erhi abà a­magubega, abagabira.

Yowane 6:11

Okubundi Yezu ayanka erya migati, n’erhi abà amâvuga omunkwa, ayigabira abantu bâli babwârhîre, n’enfî kwo na kwo, nk’oku balonzagya.

Yowane 6:23

Ci kwône agandi mârho gàli gayishire, garhenga e Tiberiyadi, halya baliraga omugati omu kuvuga Nyakasane omunkwa.

Ebijiro 27:35

Erhi ayûs’iderha ntyo, ayanka omugati, avuga Nnâmahanga omunkwa embere za boshi, agubega, arhangira alya.

Barom 14:6

Okenga e­nsiku, akujira Nyakasane orhumire; n’olya ngasi biryo, Nyakasane orhuma akujira, bulya avuga Nnâmahanga omunkwa; orhalya naye Nyakasane orhuma akuleka, anavuga Nnâmahanga omunkwa.

1 Bakorinti 10:31

Kuziga kubîre kulya, kubîre kunywa, na ngasi hyoshi mwankajira, byoshi mubijire oku kukuza Nnâmahanga.

1 Bakorinti 14:16

Câba erhi wankakuza Nnâmahanga omu mûka mwône, kurhi omuntu kwône ankashuza «Amen!» oku munkwa gwâwe, arhanamanyiri bici odesire?

1 Samweli 9:13

Hano muhika omu lugo mwanashimana arhacisôkera enyanya aj’irya, bulya olubaga lurhankalya arhanaciyisha, agwâsirwe arhangigisha enterekêro n’enyuma ly’aho abayêmêrere okulya. Musôkage buno-buno, bulya ene mwanamubona.» Banacisôkera omu lugo.