Mateyo 15:32 - BIBLIYA NTAGATIFU OMU MASHI

³² Erhi abà amahamagala abaganda bâge, Yezu ababwîra, erhi: «Namabonera olubaga obwonjo; bulya zikola nsiku isharhu zino kurhenga banshimbire, barhanagwêrhi eci balya. Okubalîka bashalisire, ntalonza: bankafira omu njira».

Mateyo 15:32 ပူးပေါင်းရင်းမြစ်များ

2 Bâm 4:42

Muntu muguma anacirhenga e Baali-Shalisha, ayisha adwîrhîre omuntu wa Nyamuzinda emigati y’omwâka muhyâhya: yali migati makumi abiri ya ngano, yali omu nshoho. Elishaʿ anacimubwîra erhi: «Ogabire abantu balye».

Mateyo 12:40

“Nka kulya Yônà ajiraga miregerege isharhu na madufu asharhu omu nda y’enfî, ntyo Mwene-omuntu ayish’ijira miregerege isharhu na madufu asharhu omu nshinda y’igulu”.

Mateyo 14:13

Erhi Yezu ayumva ntyo, arhenga aho omu bwârho, aj’omw’irungu, kuli n’abantu. Erhi abantu bacikuyumva, barhenga omu bishagala, bamushimba n’amagulu.

Mateyo 15:33

Abaganda bâge banacimubwîra, mpu: «Ngahi emigati y’okuyîgusa abà boshi yarhenga muno irungu?»

Mateyo 20:34

Okubundi Yezu anacigwârhwa n’olukogo, abahuma oku masù: ho na halya babona, banamukulikira.

Mateyo 27:63

Banacimubwîra, mpu: «Waliha, rhwakengire oku erya ndyâlya yaderhaga, erhi ecizîne, erhi: “Hano kugera nsiku isharhu, nâfûka!”

Mateyo 9:36

Lêro erhi abona orhutu rhw’abantu, obwonjo bwamugwârha, bulya bali bahugalîre banashiramire nka busô burhagwêrhi mungere.

Marko 9:22

Na kanji kanji anamukwêbe ecîko n’erwîshi, kulonz’imuyîrha. Ci akabà ogwêrhe okuwankahasha, orhurhabâle, orhufè lukogo».

Luka 7:13

Erhi Nyakasane amubona, amufa bwonjo, amubwîra, erhi: «Orhalakaga».

Ebijiro 27:33

Erhi bubà bukol’ica, Paolo abwîra abâbo boshi mpu balye, erhi: «Ene lwo lusiku lw’ikumi n’ini muyunjwire bwôba murhanalya; ntâco mwakozize ekanwa.

Bahabraniya 4:15

Bulya rhurhagwêrhi omudâhwa mukulu orhankahash’iyumva olukogo lw’obuzamba bwîrhu: kulya kubà naye àbuyumvîrhe bwoshi akîrhu, kuleka ecâha.