Mateyo 14:6 - BIBLIYA NTAGATIFU OMU MASHI

⁶ Lêro oku lusiku lw’okuburhwa kwa Herodi, mwâli wa Herodiyada ajà eruhya, asâma, asîmîsa Herodi.

Mateyo 14:6 ပူးပေါင်းရင်းမြစ်များ

Murhondêro 40:20

Oku lusiku lwa kasharhu lwo lwàli lusiku lw’okukengeza okuburhwa kwa Faraoni mwâmi w’e Mîsiri, ajirira abambali boshi olusiku lukulu. Alîka omurhambo w’amamvu n’omurhambo w’ebiryo omu karhî k’abarhambo b’abalwî.

Esteri 2:18

Mwâmi anacijira olusiku lukulu bwenêne oku barhambo n’oku barhumisi bâge boshi lyo lyàli idinye lya Esteri, amarhambo gâge goshi gahumûka, na mwâmi anacivangulira binjà binji oku bantu b’omu bwâmi bwâge boshi. Mardokeyo na Hamani

Mateyo 14:3

Bulya Herodi ali agwâsire Yowane, amushwêka anamuheba omu mpamikwa, erhi Herodiyada mukà omulumuna Filipo orhuma.

Mateyo 14:7

Okuhandi amulaganya n’endahiro mpu amuhà ngasi hyoshi ankamuhûna.

Mateyo 22:24

«Muyigîriza, Mûsa adesire mpu irhondo omuntu akafà arhanasiziri mwâna, mwene wâbo anayanke mukâge, lyo aha mwene wâbo iburha.

Marko 6:14

Mwâmi Herodi anaciyumva emyanzi yâge, bulya izîno lyâge lyàli lyajîre irenge. Bakâg’iderha, mpu: «Yowane Mubatiza afûsire omu bafù: kwo kumudwîrhîre ebi bisômerîne adwîrhe ajira».

Marko 6:17

Bulya Herodi yênene warhumaga abagwârha Yowane b’anamuhira omu mpamikwa erhi Herodiyada, mukà-mwene wâbo Filipo, orhuma, amamuyanka.

Marko 6:19

Kurhenga aho Herodiyada amukunirira anakalonza okumuyîrha, ci ayabirwa,

Marko 8:15

Erhi Yezu acibabwîra, erhi: «Mumanye munacîlange oku ngezo y’Abafarizeyi n’eya Herodi»,

Luka 13:31

Aho honênè, baguma omu Bafarizeyi bamujaho, banamubwîra, mpu: «Ogende, orhenge kuno, bulya Herodi alâlîre okukuniga».

Luka 23:11

Okubundi Herodi n’omurhwe gwâge bamugayaguza n’okumushekera. Amuyambîsa ecishûli cêru, ashub’imugalula emwa Bilato.

Luka 23:7

Erhi amanya bwinjà oku ali muntu w’oburhegesi bwa Herodi, amurhuma emwa Herodi. Obwo erhi naye ali e Yeruzalemu mw’ezo nsiku.

Luka 3:1

Erhi Tiberi Sezari ashinga myâka ikumi n’irhanu oku ntebe y’obwâmi, Ponsiyo Bilato erhi ali murhegesi w’Obuyahudi, Herodi erhi ali murhambo w’e Galileya, Filipo mwene wâbo erhi ali murhambo w’Ituriya n’e Trakoniti, naye Lusaniya erhi ali murhambo w’Abilena;

Luka 3:19

Ci erhi acikalihira mwâmi Herodi erhi Herodiyada, mukà mwene wâbo orhuma, n’oku mabî goshi ajiraga,

Luka 8:3

Yowana mukà Kuza, murhambo wa Herodi; Suzana, na bandi banji bakâg’ibarhabâla n’ebirugu byâbo.

Ebijiro 12:1

Mw’ago mango gonênè, mwâmi Herodi anacigwârha baguma b’omu Ekleziya mpu abalibuze.

Ebijiro 4:27

Nêci, kwo binali, Herodi bo na Ponsiyo Bilato, n’amashanja g’abapagani n’olubaga lw’Israheli, bashûbûzinye muli eci cishagala, bacîgusha haguma mpu balwîse omurhumisi wâwe Yezu washîgaga (amavurha g’obwâmi).