Mateyo 14:23 - BIBLIYA NTAGATIFU OMU MASHI

²³ Erhi acibà amâlîka abantu, ayinamukira oku ntondo yênene, aj’ishenga. Lêro byâbà bijingo, erhi alikwo yênene.

Mateyo 14:23 ပူးပေါင်းရင်းမြစ်များ

Mateyo 26:36

Obwo Yezu anacihika omu ishwa liderhwa Jetesemani ye n’abaganda bâge; ababwîra, erhi: «Bêragi aha oku najà hala ngend’ishenga».

Mateyo 6:6

Wêhe, nk’okola washenga, ojè omu mwâwe, na hano wamayigala olumvi, oshenge Sho omu kahwenyenye, na Sho obwîne omu kahwenyenye, akugalulira.

Marko 1:35

Erhi kuca, azûka sêzi mucêracêra, akanya acîjira aharhali bantu, aj’ishengeraho.

Marko 6:46

Erhi ayûs’ibalîka, arheremera oku ntondo mpu aj’ishenga.

Luka 3:21

Erhi olubaga lwoshi lubà lwamabatizibwa, n’erhi Yezu naye ayûs’ibatizibwa, agwîra okushenga, amalunga gayiguka,

Luka 5:16

Ci yêhe akacîyegûlira omu irungu, akashenga.

Luka 6:12

Mw’ezo nsiku, arheremera oku ntondo, aj’ishenga; alâla ashenga Nyamuzinda obudufu bwoshi.

Luka 9:18

Lêro kwanacibà lusiku luguma, erhi adwîrhe ashenga lwihwêko, erhi ali bo n’abaganda bâge, abadôsa, erhi: «Olubaga kurhi luderha mpu nie ndi?»

Luka 9:28

Erhi kugera nka nsiku munâni ayûsiz’iderha ebyo binwa, anaciyanka Petro na Yakôbo na Yowane, arheremera oku ntondo, aj’ishenga.

Ebijiro 6:4

Nîrhu rhwêhe rhwâcîshwêkera oku kuharâmya n’okuyigîriza akanwa ka Nnâmahanga».