Mateyo 13:22 - BIBLIYA NTAGATIFU OMU MASHI

²² Owamîzirwe omu mishûgi naye, ye yumva Oluderho, ci ebihamba by’e­by’en’igulu n’obunywesi b’obuhirhi byazimaguza lulya Luderho: obwo lurhanacibonaga malehe.

Mateyo 13:22 ပူးပေါင်းရင်းမြစ်များ

Ennanga 52:7

Okwôla kwârhuma Nyamuzinda akushâba buyumpa, akushugule budundu, kwârhuma akubarhûla omu cihugo, akumânyule oku igulu ly’abazîne.

Ennanga 62:10

Bene-Adamu gunabà mufula bufula, babà banywesi ababurhwa n’abantu. Erhi bankashonera oku munzâni, boshi haguma banayanguha kulusha omufula.

Migani 11:28

Ocîkubagira obugale abushâyamwo, abashinganyanya kwo bajinîrira nka buhasi.

Migani 23:5

Obuhirhi obukonolîre amasù, orhabubwîni. Bulyâla kwo bujira ebyûbi nk’ikozi, lyo liyâkira oku nkuba.

Muhanûzi 4:8

Rhuderhe omuntu ôli kahumba: orhajira mwâna arhajira na wâbo: omukolo gwâge gurhaheka, n’amasù gâge garhajira oku gankagala. Obwôla kwo biri ntyo, ndi ndwîrhage nâkolera nieki mbule bwanacîsîmîsa? Nanga birhali byo; kunali kurhebwa.

Yeremiya 4:3

Bulyâla kwo Nyamubâho adesire ntya: Kwo abwîzire abantu b’emwa Yûda n’ab’e Yeruzalemu: Mukolôle bwinjà amashwa ginyu, murhahiraga mukamîra emburho omu mishûgi.

Mateyo 12:32

“Na ngasi wâjacire Mwene-omuntu, ayish’ibabalirwa; ci owâjacire Mûka arhakababalirwa en’igulu na ciru enyuma omu gandi mango.”»

Mateyo 13:39

“Omushombanyi warhwêraga enshenga, ye Shetani; amango g’okusârûla, ho aha kuhwa kw’igulu; n’abasârûzi, bo bamalahika”.

Mateyo 13:40

“Nk’oku emburho mbî elundwa haguma enadulikwe muliro, kwo byâbe aha kuhwa kw’igulu”;

Mateyo 13:7

Ezindi zarhogera omu mishûgi, ci erhi emishûgi ecimera haguma nazo, yazihuhya.

Luka 12:15

Okubundi anacibabwîra, erhi: «Mumanye murhabâga ba kajiji, bulya omuntu obuzîne bwâge burhaba omu bunji bw’ebirugu byâge».

Luka 12:21

“Kwo ali ntyo ngasi muntu ocilundikira yêne ahâli h’okugalira Nnâmahanga”».

Luka 21:34

«Mumanye emirhima erhazidoheragwa n’amasîma g’omubiri, endalwè n’okucirhanya oku by’en’igulu, ly’olwo lusiku lurhammuyishira cifudukwè.

Luka 8:14

“Ezarhogeraga omu mishûgi, bo balya bayu­mvîrhe; erhi bacigenda, ebihamba, obuhirhi n’amasîma g’eby’en’igulu byabahuhya, barhanacibonaga oku bayânakwo amalehe”.

Ebijiro 8:18

Erhi Simoni abon’oku Entumwa zàkâg’ihâna Mûka Mutagatîfu omu kulambûla amaboko, abalerhera ensaranga, erhi:

Barom 12:2

Mumanye mwankacîgererakwo er’igulu, ci muhinduke bantu bahyâhya omu murhima gwinyu, lyo mumanyîrira obulonza bwa Nnâmahanga; mumanye aminjà, ebi akunda n’ebishingânîne lwoshi.

1 Bakorinti 1:20

Omushinganyanya ngahi aligi? Ngahi aligi omuntu wasomire binji? Omurhimanya wa hano nshi ngahi abà wâni? Obushinganyanya bw’igulu ka Nyamuzinda arhabuhindulaga isirhe?

1 Bakorinti 2:6

N’obwo abakola bimâna bya bugula mbabwîriza, cikwône arhali bulà bugula bwa mw’eri igulu, arhanali bulà bw’abaluzi b’en’igulu bayish’ihirigirha.

1 Bakorinti 2:8

Obwo bushinganyanya ntà muluzi wa mw’eri igulu obuyishi, -bacibumanyaga, barhankabambire Nyakasane w’irenge oku musalaba; -

1 Bakorinti 3:18

Ntâye ocîrhebage yêne! Muli mwe erhi hankajira owacîkebwa mpu ali mushinganyanya omu masù g’eri igulu, acîjire musirhe ly’abà mushinganyanya;

2 Bakorinti 4:4

balya barhayêmêra, balya Nyamuzinda w’en’igulu ahusize obukengêre, mpu bankanabona obulangashane bw’Emyanzi y'Akalembe y’irenge lya Kristu, y’eri nshusho ya Nnâmahanga.

Bagalasiya 1:4

wacîhânaga nterekêro oku byâha bîrhu, mpu lyo arhurhenza omu bubî bw’er’igulu, nka kulya Larha Nyamuzinda alonza,

Befezi 2:2

mwalimwo mîra erhi mukashimba obugende bw’eri igulu n’okukashimba omuluzi w’obwâmi bw’omu cirêre, ye muzimu ntalikirira entumva…

1 Timoteyo 6:17

Obwîre abahirhi ba mw’er’igulu barhakâg’icîbona, bamanye bakahira obulangâlire bwâbo omu mahirhi ga nsiku nsungunu, ci bacîkubagire Nyamuzinda, orhugabira ebintu byoshi mpu rhubikolêse.

2 Timoteyo 4:10

bulya Dema andesire erhi kusîma er’igulu kurhuma, anacijirire e Tesalonika; Kreshenti ajire e Galasiya, na Tito acîjira e Dalamasiya.