Mateyo 13:15 - BIBLIYA NTAGATIFU OMU MASHI

¹⁵ “Omurhima gw’olu lubaga gwahinzire: bafûnisire amarhwîri, banaziby’amasù gâbo, mpu lyo barhayumve n’amarhwîri gâbo, mpu lyo barhacîrhegereze omu murhima, mpu lyo barhahinduke binjà, mpu lyo ntanabafumye”.

Mateyo 13:15 ပူးပေါင်းရင်းမြစ်များ

Ennanga 119:70

Omurhima gwâbo kwo gujagalîre nka muhuli gwa ngano, niehe nnunirwe n’irhegeko lyâwe.

Migani 16:30

Ozibire mpu lyo agerêreza obulyâlya, olumire amîno, akozire amaligo

Izaya 44:20

Mulyi w’oluvù! Murhima muhûrha na muhera! Ntâko ankacihasha okucîciza n’okuderha, erhi: «Akâla kantu mfumbasire, ka burhali bunywesi?»

Izaya 57:18

Nabwîne enjira zâge, ci namufumya, nâmulongolana nnâmuyunjuze burhulirize, ye n’abâge bali omu mishîbo.

Izaya 6:10

Ozidohye omurhima gw’olu lubaga, obafûnike amarhwîri onabazibye amasù, lyo barhabone n’amasù gâbo, banalek’iyumva n’amarhwîri gâbo, lyo n’omurhima gwâbo gurhacîrhegêreze, lyo barhahinduke binjà, lyo ntanabafumya!»

Yeremiya 17:14

Onfumye, Nyakasane lyo nfuma, oncize lyo ncira, bulya wêne we ncîtakîra

Yeremiya 17:9

Omurhima gwo guyengeha gwarhalusa, gucigwerhage n’oburhebanyi, ndi wakagumanya?

Yeremiya 3:22

Galuki mwe bâna b’ebirala, nnonzize okufumya obugoma bwinyu! Rhw’ono rhuyishire emunda oli, bulya we Nyakasane Nyamuzinda wîrhu,

Yeremiya 33:6

Lolaga oku nkola nashububabà lukogo, nâbahà obufumu n’okubabuka, nâsêza n’amalaganyo gâni g’omurhûla, n’obudahemuka rhweshi nabo.

Hozeya 14:4

Asûru ârharhucize, rhurhâcishone oku biterusi, rhurhakanaciderha nti Nyamuzinda wîrhu, obushanja bw’amaboko gîrhu, bulya emwâwe yo enfûzi ebona olukogo.

Zakariya 7:11

Cikwône abantu bàlahira bwayumva: bahindula omugongo banafuka amarhwîri mpu lyo balek’iyumva.

Malakiya 4:2

Ci kuli mwe, murhînya izîno lyâni, izûba ly’obushinganyanya lyâbasha, limmulerhere obucire. Mwâyishijà mwâhama n’omwîshingo nka manina ga mitwirà.

Marko 4:12

lyo bakâlola, barhanabone; bakayumvîrhiza, barhanayumve; mpu lyo barhahinduka binjà barhanababalirwa ebyâha byâbo».

Luka 19:42

«Ocimanyage nâwe olusiku lw’ene ebyakulerhera omurhûla! Ci buno bifulisirwe omu masù gâwe.

Ebijiro 28:27

“Omurhima gw’olu lubaga gwahinzire, bafunisire amarhwîri gâbo, banazibya amasù gâbo, mpu barhabona n’amasù gâbo, mpu lyo barhanayumva n’amarhwîri gâbo, mpu lyo barhanacirhegêreza omumurhima, mpu lyo barhahinduka binjà, mpu ntanabafumya!”

Ebijiro 3:19

Lêro mucîyunjuzagye munahinduke, lyo ebyâha binyu bizâzibwa,

Ebijiro 7:57

Banacibanda orhuhababo, bafuka amarhwîri, bacimwihunikakwo boshi caligumiza.

2 Timoteyo 4:4

bafuke amarhwîri gâbo mpu balek’iyumva eby’okuli, bagarhege emigani.

Bahabraniya 5:11

Kuli okwo rhugwêrhe binji by’okummubwîra, ci okubihugûla kuli kuzibu, bulya muli bahwinja b’okuyumva.

Mafulûlo 22:2

Omu kâgarhî k’engo, omu mabunda g’olwîshi gombi, muli emirhi y’obuzîne eyânakwo amalehe kal’ikumi na kabiri, ngasi mwêzi na malehe. Ebyâsi by’eyo mirhi biri bya kukaz’ibuka abapagani.