Mateyo 12:6 - BIBLIYA NTAGATIFU OMU MASHI

⁶ “Yumvi mmubwîre”: “hano hali olushire aka-Nyamuzinda”.

Mateyo 12:6 ပူးပေါင်းရင်းမြစ်များ

2 Nganîro 6:18

Ci kwônene ka kwo binali, Nyamubâho anayûbaka haguma n’omuntu hanôla igulu? Lolà oku empingu, n’empingu y’amalunga birhankahasha okukuyûbarhira wêshi: lêro lyôhe, kurhigi kuli eyîra nyumpa nayûbakaga!

Izaya 66:1

Ntyâla kwo Nyakasane adesire: Empingu yo ntebe yâni y’obwâmi, n’igulu co citumbi mpirakwo amagulu. Nyumpa nci mwankanyûbakira na ngahi hankabà buluhûkiro bwâni?

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Malakiya 3:1

Ntya kwo Nyakasane w’Emirhwe ammushuzize: «Loli, oku nârhuma e­ ntumwa yâni, yo yajinteganyiza enjira yâni embere zâwe. N’oku caligumiza, olya Nyakasane mulonza ahika omu ka-Nyamuzinda kâge, olya Mwâmi w’Amalaganyo mucîfinja. Loli, y’oyo oyiruka».

Mateyo 12:5

“Erhi ka ciru murhasâg’isoma omu marhegeko, oku o­lw’oluzira, abadâhwa banavune oluzira omu ka-Nyamuzinda, barhanajire câha?”

Bakolosi 2:9

Bulya muli ye mwo obwimâna bwoshi bw’obunyamuzinda bubà omu mubiri, ninyu mushangîre obwo bwimâna muli ye,