Mateyo 12:10 - BIBLIYA NTAGATIFU OMU MASHI

¹⁰ Mwâli omuntu ohozire okuboko; lêro bamudôsa, mpu: «Ka kuyêmêrîrwe okufumya omu luzira?» Bamudôsagya ntyo mpu lyo babona igwârhiro ly’okumushobeka.

Mateyo 12:10 ပူးပေါင်းရင်းမြစ်များ

Izaya 32:6

Bulya omugalugalu bigalugalu aderha, n’omurhima gwâge bubî gukengera: anakâjira nka nyankola-maligo n’okujâcira Nyakasane, anakaleka omushalye afà n’ishali n’okuyîma ogwêrhwe n’enyôrha ecinyôbwa.

Izaya 59:13

Rhwalenganyize, rhwagomire Nyakasane, rhwayêrekîze Nyamuzinda wîrhu omugongo. Rhwagwîra okukaderha eby’okushâba n’eby’obugoma, okukâhiga n’okukâlalira eby’obunywesi omu murhima.

Izaya 59:4

Ntâye ciru n’omuguma wankaderha mpu ahêka aha kagombe oluba­njà kushingânîne, ntâye obûlana omu kuderha eby’okuli; banakâyêgemera ebyâzo birhali byo n’okuderha eby’obunywesi, banahige obuhanya, baburhe obubî.

Zakariya 11:17

Buhanya bwâge oyo lungere w’ecinganyi olekêrera obusò bwâge! Ebîrha bimushangule emisî y’amaboko n’okubona kw’amasù gâge: okuboko kwâge kuhole n’isù lyâge liryo lirhacifâga lyabwîne!

Mateyo 12:2

Abafarizeyi nabo erhi bacibona okwo, bamubwîra, erhi: «Lolà, bambali bâwe badwîrhe bajira okuhanzîbwe olusiku luzira!»

Mateyo 19:3

Obwo Abafarizeyi banacimushegeraho mpu bamurhangule; banacimudôsa, mpu: «K’oku ngasi igwârhiro omuntu ayêmêrîrwe okuhulusa mukâge?»

Marko 3:2

Bakahengûza mpu babone erhi amufumya olwa-Sabato, lyo bamushobeka.

Luka 11:54

bakamurhega mpu lyo aderha akanwa karhuma bamushobeka.

Luka 13:14

Ci omukulu w’isinagogi akunira, bulya Yezu arnafumya omuntu omu lwa-Sabato. Anacibwîra olubaga, erhi: «Ensiku z’okukola ziri ndarhu; muli ezo nsiku mukayisha mufumibwe, ci arhali omu lwa-Sabato».

Luka 20:22

Ka kukwânîne rhukavurhira Sezari erhi nanga?»

Luka 23:14

«Mwandwîrhîre oyu muntu mpu agomêsize olubaga; nâni ene mmudôsa embere zinyu, ntamubwînekwo izâbyo lici muli birya byoshi mwamu­shobekaga.

Luka 23:2

Barhondêra okumulega, mpu: «Rhwashimanyire oyu muntu adwîrhe ago­mêsa olubaga anahanza mpu irhondo barhacivurhiraga Sezari, n’okucîderha mpu ye Kristu Mwâmi».

Yowane 5:10

Abayahudi babwîra oyo muntu wâfuma­ga, mpu: «Ene lwa Sabato, orhankabarhula encingo yâwe».

Yowane 5:3

Balwâla mwandu bakâg’igwishira mw’ezo mbaraza: emihûrha, abahinange n’abahozire enjingo bakâg’ilingûza oku amîshi gashabagana.

Yowane 7:23

Ntyo omuntu anakembûlwe olusiku lwa Sabato buzira kuvuna irhegeko lya Mûsa. Cirhumirage mulungulwa okwenge nafumize omuntu yêshi olwa-Sabato?

Yowane 8:6

Baderhaga ntyo mpu bamurhege, lyo babona oku bamulega. Ci Yezu acîyunamira, arhondêra ayandika ahanshi n’omunwe gwâge.

Yowane 9:16

Bafarizeyi baguma, mpu: «Oyo muntu arharhenga emwa Nnâmahanga, bulya arhakenga Sabato». Abandi, mpu: «Kurhi omunya-byâha ankajira ebisômerîne biri nk’ebi?» Bacîgabamwo bônene na bônene.