Mateyo 11:29 - BIBLIYA NTAGATIFU OMU MASHI

²⁹ “Barhuli omuzigo gwâni, munanyigîrekwo, bulya ndi mutûdu na mwîrhohye w’omurhima na mwâyish’ibona irhamûko ly’obuzîne bwinyu”.

Mateyo 11:29 ပူးပေါင်းရင်းမြစ်များ

2 Nganîro 10:11

Lolagi! Larha ali azidohize omushigo gwinyu, nâni nayûshûla obuzirho bwâgo; larha akazâgimuhanûla n’eminyuli, niono namuhanûla n’ebyûma by’endobo.»

Ennanga 116:7

Oshubiluhûka murhima gwâni, bulya Nyakasane akuyumvirhize

Ennanga 131:1

Lwimbo lwa kusôka. Lwa Daudi. Yâgirwa omurhima gwâni gurhalimwo bya kucîbona, n’amasù gâni garhalimwo bya cisûli, ntaharhîri bya bukulu ntanahambîri ebindenzire bulî.

Migani 3:17

Enjira bugera mwo ziri njira za masîma, n’emikâba bugeza mw’omuntu, ebwa murhûla ehêka.

Izaya 28:12

Ali erhi ababwîzire, erhi: «Obuluhûkiro obu; leki oluhire aluhûke! Ahantu h’obuholo aha!» Ci bôhe barhalonzagya okuyumva.

Izaya 29:19

Abagalugalu bakaz’ibona amasîma ngasi mango muli Nyakasane, nabo abakenyi omu bantu bakaz’icîshingira Omutagatîfu w’Israheli.

Yeremiya 6:16

Kwo Nyakasane adesire ntya: Mujè omu njira za mîra, mudôse bwinjà enjira za mîra, ngahi yali enjira y’obwinjà? Muyiyankage, mwabona oku mwaluhûka. Ci bôhe bàdesire mpu «rhurhâyishimbe».

Zakariya 9:9

We munyere w’e Siyoni, ocîshinge n’emisî yâwe yoshi: nâwe we munyere w’e Yeruzalemu, obande empûndu y’omwîshingo. Lolà oku mwâmi wâwe ayishire emunda oli, mutûdu na muhimanyi, ashonyire oku ndogomi, oku mucûkà gwa ndogomi, mucûkà gwa ndogomi-kazi.

Mibalè 12:3

Ci Mûsa acibêraga muntu mutûdu bwenêne, kulusha abandi bantu boshi ba hanôla igulu.

Mateyo 17:5

Oku anacidwîrhe aderha, olwikungu lwêru lwababwîka; izù lyanacirhengamwo lulya lwikungu, lyaderha, erhi: «Oyu ye Mugala wâni muzigirwa, oyu nsîma bwenêne, mukaz’imuyumva».

Mateyo 21:5

Mubwîre omunyere w’e Siyoni, erhi: Lolà oku Mwâmi wâwe ayishire emunda oli; ayishire mutûdu, abwârhîre oku ndogomi n’omucukà gwâyo.

Mateyo 28:20

Mubayigîrize okushimba ngasi hyoshi nammurhegesire. Nâni ndi haguma ninyu ensiku zoshi kuhika aha kuyûrha kw’igulu».

Mateyo 7:24

“Oyumvîrhe ezi nderho zâni akanazishimba, bayish’imushushanya omuntu ocîrhonda, owayûbakaga enyumpa yâge okw’ibuye”.

Luka 8:35

Abantu banacishagamuka mpu baj’ilola oku byabîre. Erhi bahika hali Yezu, bashimâna olya abashetani barhengagamwo atamîre aha magulu ga Yezu, akola ayambîrhe anagwêrhe obukengêre bwâge; bayôboha.

Yowane 13:15

Nammuhîre olwiganyo, nti ninyu mukajira oku mmujirîre.

Yowane 13:17

Mukamanya ebyo mukanabijira, mwâbà bany’iragi.

Ebijiro 7:37

Oyo Mûsa ye wa­bwîraga bene-Israheli, erhi: «Nnâmahanga anammuhe omulêbi oli akâni warhenga muli bene winyu».

1 Bakorinti 9:21

Omu barhajira irhegeko, nacîjira muzira-irhegeko, n’obwo ntali muzira-irhegeko lya Nyamuzinda, bulya ntegesirwe n’irhegeko lya Kristu, nti lyo ncungula abarhajira irhegeko.

2 Bakorinti 10:1

Niehe Paolo mmuhûnyire, mwe mukasinga, obutûdu n’obwinjà bwa Kristu burhumire, nie erya ngonyi nka ndi embere zinyu, na nka ntammuliho nshube ntwâli.

2 Bakorinti 10:5

na ngasi bucîbone buderha mpu bwacîgererakwo okumanya Nyamuzinda, na ngasi bukengêre rhubugwârha mpira nti bushige Kristu.

Bafilipi 2:5

Enkengêro z’emirhima yinyu zishushane n’ez’omurhima gwa Kristu Yezu.

1 Batesalonika 4:2

Mumanyire bwinjà marhegeko maci rhwammuhîre oku izîno lya Nyakasane Yezu.

2 Tesalonika 1:8

omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu.

Bahabraniya 5:9

N’erhi àyûs’ibà mwimâna, àhinduka imerero ly’obucire bw’ensiku n’amango kuli balya boshi bamuyumva,

1 Yowane 2:6

Owaderha mpu ali muli ye, kukwânîne naye abè n’olugendo luli nk’olugendo ali agwêrhe.