Mateyo 11:28 - BIBLIYA NTAGATIFU OMU MASHI

²⁸ «Yishagi emwâni mweshi, mwe mudwîrhe mwababala munazidohîrwe, nâni nammurhûliriza.

Mateyo 11:28 ပူးပေါင်းရင်းမြစ်များ

Ayubu 14:1

Omuntu erhi aburhwa n’omukazi, alama nsiku nsungunu erhi zinayunjwiîe mirhanyo.

Ayubu 5:7

Omuntu yêne olêrha obubî n’omutula, kula nyakadekere alongereza ecirêre c’emalunga.

Ennanga 116:7

Oshubiluhûka murhima gwâni, bulya Nyakasane akuyumvirhize

Ennanga 32:4

Bulyâla okuboko kwâwe kwàli kuzidohire oku irhwe lyâni mûshi na budufu, emisî yâni yakaz’iyonda nka kuno bayiyanikira oku izûba ly’ecanda.

Ennanga 38:4

Ntà bwinjà amagala gâni gacirikwo nanakugayisize, ntà kuzibuha orhuvuha rhwâni rhwacizibuha nanagomire.

Ennanga 94:13

Mpu lyo arhengamwo entemu y’ensiku mbî, oku enshinda ya nyankola-maligo yahumbwa.

Muhanûzi 1:14

Nasingirîze ebijirwa hanôla îdako ly’izûba: kàli byoshi kubà kurhebwa kunabâ kubiva empûsi!

Muhanûzi 1:8

Ntâco cirharhamya. Ntâye wakaderha mpu aga masù garhabonaga obu, nîsi erhi mpu aga marhwiri garhasag’iyumva gasîme!

Muhanûzi 4:8

Rhuderhe omuntu ôli kahumba: orhajira mwâna arhajira na wâbo: omukolo gwâge gurhaheka, n’amasù gâge garhajira oku gankagala. Obwôla kwo biri ntyo, ndi ndwîrhage nâkolera nieki mbule bwanacîsîmîsa? Nanga birhali byo; kunali kurhebwa.

Izaya 1:4

“Yajewe! ishanja linya-byâha, olubaga luyunjwîre mabî, iburha lya banyankola-maligo, abâna b’emihera! Bajahisire Nyakasane, bagayaguza Omwimâna w’Israheli; bamuhindamulira omugongo”.

Izaya 11:10

Mw’olwo lusiku, ecikundukundu ca Yese cayâlagala, cibè cêrekane c’embaga; amashanja gacilongeza aha nshi n’aha nyanya, n’endâro yaco yayunjul’irenge.

Izaya 28:12

Ali erhi ababwîzire, erhi: «Obuluhûkiro obu; leki oluhire aluhûke! Ahantu h’obuholo aha!» Ci bôhe barhalonzagya okuyumva.

Izaya 61:3

ndêrhere abâli aha Siyoni omwîshingo, mbayambise ecimanè ahâli h’oluvù, mbashîge amavurha g’obushagaluke ahâli h’omwambalo gw’emishîbo, mbayambise omwenda gw’olusiku lukulu ahâli h’omurhima gwarhanya. Bâyish’ikaderhwa mitudu y’obushinganyanya, ndimiro y’irenge lya Nyakasane.

Izaya 66:2

Ebyôla byoshi maboko gâni gabijiraga, biri byâni ebyôla byoshi, Nyakasane okudesire. Alaga oyu ndolakwo: omukenyi n’omunyinyi, ogeramwo omusisi omu kuyumva oluderho lwâni.

Yeremiya 31:25

Bulya nâshubihà emisî ngasi bakola barhamire, na ngasi ba buligo nabahà ebi banalagîrîrekwo.

Yeremiya 35:16

Ntyo, abâna ba Yônadabu mwene Rekabu bashimbire irhegeko bahâbagwa na shakulu wâbo, ci­ kwône niehe olu lubaga lurhanyumvagya.

Yeremiya 6:16

Kwo Nyakasane adesire ntya: Mujè omu njira za mîra, mudôse bwinjà enjira za mîra, ngahi yali enjira y’obwinjà? Muyiyankage, mwabona oku mwaluhûka. Ci bôhe bàdesire mpu «rhurhâyishimbe».

Mateyo 11:29

“Barhuli omuzigo gwâni, munanyigîrekwo, bulya ndi mutûdu na mwîrhohye w’omurhima na mwâyish’ibona irhamûko ly’obuzîne bwinyu”.

Mateyo 23:4

“Banakashwêka emizigo mizirho, banayibarhuze abantu, ci okuyidundaganya n’omunwe barhankakulonza”.

Yowane 6:37

Ebi Larha ampà byoshi byajà emunda ndi, n’ojire emunda ndi ntakamukwêba embuga;

Yowane 7:37

Oluzinda lw’olusiku lukulu, lwo lulushire ezindi, Yezu anaciyimanga, ayâkûza n’izù linene, erhi: «Ngasi ogwêrhwe n’enyôrha, ayishe emunda ndi, anywe;

Ebijiro 15:10

Kurhigi buno kandi mudwîrhe mwalonza okurhangula Nyamuzinda omu kulonza okubarhuza abemêzi omuzigo gwayabiraga balarha na nîrhu rhwêne?

Ebijiro 20:35

“Nammuyêresire amango goshi oku omu kukola ntyo kwo mukwânîne okurhabâlamwo engonyi, munayôrhe muyîbusire aka kanwa ka Nyakasane Yezu waderhaga yêne”, mpu: “Okuhâna kulushire okuhâbwa iragi”».

Bagalasiya 5:1

Kristu arhurhenzize omu bujà mpu lyo rhubà bantagengwa. Muzibuhage, mumanye mwankacicîshubiza omu muzigo gw’bujà.

2 Tesalonika 1:7

n’okummuhà, mwe mudwîrhe mwalibuzibwa, okuluhûka haguma nîrhu, amango Nyakasane Yezu aciyêrekanira emalunga haguma na bamalahika b’obuhashe bwâge,

Bahabraniya 4:1

Kuziga obûla eciragâne c’okujà omu murhûla cicihabà, rhuyôbohe, rhumanye hankajira owacêrwa muli rhwe.

Mafulûlo 22:17

Mûka n’Omuhya bàdesire, mpu: «Yisha!» Oyumvîrhe naye aderhe, erhi: «Yisha!» N’oli nyôrha ayishe, n’olonzize ayanke amîshi g’obuzîne buzira kugagula.