Mateyo 11:25 - BIBLIYA NTAGATIFU OMU MASHI

²⁵ Mw’ago mango, Yezu erhi acishuza, aderha, erhi: «Larha, Mwâmi w’empingu n’igulu, namâkukuza, bulya ebyo wabifulisire ab’obukengêre bunji n’abirhonzi, ci abîrhôhye wabafululirabyo.

Mateyo 11:25 ပူးပေါင်းရင်းမြစ်များ

Murhondêro 14:19

Anacigisha Abramu ederha, erhi: «Abramu agishwe na Nyamuzinda w’enyanya bwenêne owalemaga amalunga n’igulu,

Murhondêro 14:22

Ci kwône Abramu ahûna oyo mwâmi w’e Sodomo, erhi: «Ndengezize okuboko kwâni emunda Nyamuzinda w’enyanya bwenêne ali ye walemaga amalunga n’igulu».

2 Bâm 19:15

Ezekiyasi anacishenga Nyamubâho anaciderha erhi: «Mâshi Nyamubâho, Nyamuzinda w’Israheli, we otamîre kuli bakerubi, wêne we Nyamuzinda w’amashanja goshi g’igulu, wêne we walemaga empingu n’igulu.

1 Nganîro 29:13

Co cirhumire, Nyamuzinda wîrhu, rhukukuzize n’okugashâniza Izîno lyâwe likulu bwenêne.

Ayubu 37:24

Abantu boshi bamurhînye, bamukuze balya boshi bacikunga bwenge.

Ennanga 8:2

Yâgirwa Nyamuzinda, Nnâhamwîrhu, izîno lyâwe lyàjîre irenge omu igulu lyoshi, obukulu bwâwe buyunjwîre amalunga!

Izaya 5:21

Buhanya bwâbo abacîbona mpu bali barhimanya n’okucîkunga banya-bukengêre!

Izaya 66:1

Ntyâla kwo Nyakasane adesire: Empingu yo ntebe yâni y’obwâmi, n’igulu co citumbi mpirakwo amagulu. Nyumpa nci mwankanyûbakira na ngahi hankabà buluhûkiro bwâni?

Daniyeli 2:23

We nakuza, yâgirwa Nyamuzinda wâbà larha ebwa kubà wampîre oburhimanya n’emisî, ebwa kubà wamârhumanyîsa buno ebi rhwakazâgikusengera, omu kurhumanyîsa ecilôrho ca mwâmi».

Mateyo 16:17

Yezu naye ashuza, anamu­bwîra, erhi: «Oli muny’iragi, Simoni, mugala wa Yônà, bulya gurhali mubiri erhi mukò, gukumanyisize okwo, ci Larha oli omu mpingu.

Mateyo 21:16

Banacimubwîra, mpu: «K’oyumvîrhe ebi abà badwîrhe baderha?» Yezu naye anacibashuza, erhi: «Nêci! Ci nkaba ntà mango muzig’isoma ezi nderho: Omu kanwa k’abâna barhò n’orhubonjo, mwo wakûzire obukuze?»

Luka 22:42

«Mâshi Larha, okalonza onyegûlekwo aka kabehe! Kwône arhali oku nalonza, ci oku walonza we kwo kubage!»

Luka 23:34

Yezu anaciderha, erhi: «Larha, obafe bwonjo, bulya barhamanyiri eci ba­dwîrhe bajira». Bagabâna emyambalo yâge, bayiyesha cigole.

Yowane 11:41

Banacikûla lirya ibuye. Okuhandi Yezu ayînamula amasù, aderha, erhi: «Larha, nkuvuzire omunkwa, kulya kubà wa­nyumvîrhîze.

Yowane 12:27

Bunôla omurhima gwâni gwamâfuduka. Ku­erhi naderhaga? Larha, oncize kuli aga mango. Càbà co carhumaga mpika muli aga mango.

Yowane 12:28

Larha, kuza izîno lyâwe!» Izù lyanacirhenga emalunga, erhi: «Nalikuzize nanacîlikuza kandi».

Ebijiro 17:24

“Nyamuzinda walemaga igulu n’ebibâmwo byoshi, bulya ye Nyakasane w’irunga n’igulu, arhabà omu nyumpa zayûbakagwa n’amaboko g’abantu”.

1 Bakorinti 2:10

Bulya rhwe Nyamuzinda abimanyisize n’Omûka gwâge; na Mûka ye vûlula byoshi, ciru n’amahwe ga Nyamuzinda.

2 Bakorinti 3:14

Ci obukengêre bwâbo bwatûha. Bulya kuhika olusiku lw’ene, nka basoma Endagâno ya mîra, olwôla lusîka ho lunacibà. Lurhasâg’ikûlwa, bulya, Kristu olurhenza.

1 Samweli 2:18

Samweli ali akola akakolera Nyamubâho; ali mwâna wayambalaga akanzo k’enondwè.