Mateyo 11:23 - BIBLIYA NTAGATIFU OMU MASHI

²³ Nâwe Kafarnaumu, ka omanyire mpu waliha kuhika oku nkuba? Wayish’ibungululwa kuhika omu kuzimu. Bulya ebisômerîne byajirîrwe omu bizimbêro byâwe, bicijiriragwa muli Sodomo, rhinga ho acibà kuhika ene.

Mateyo 11:23 ပူးပေါင်းရင်းမြစ်များ

Murhondêro 13:13

Abantu b’e Sodomo bali bantu babî bwenêne, na banyabyâha embere za Nyamubâho.

Ndûlù 2:1

Yajêwe! Nyakasane omu bukunizi bwâge bunene anabwîne ecitù ciru e­nyanya za Yeruzalemu. Eryâli irenge ly’Israheli, alijugucîre oku idaho kurhenga enyanya empingu. Amango oburhè bwâge bwabirûnduka kuli Siyoni, ayibagira oku co càli citumbi c’okuhirakwo amagulu gâge.

Ezekiyeli 26:20

ago mango nâkuherêrekeza haguma n’abajà ekuzimu, wâshanga abantu ba mîra, nânakuyûbasa omu cihugo c’ekuzimu, omu kahwenyenye k’ensiku n’amango, haguma n’abajà ekuzimu, lyo orhagirhengayo mpu wâyishiyûbaka omu cihugo c’abazîne.

Ezekiyeli 31:14

Lyo harhagibà omurhi gudomererwa gwacîkuza, erhi bulî bwâgo burhuma, gurhaginaheka obulî bwâgo omu nkuba karhî k’ebitù, lyo harhagibà omurhi gwayunjula mîshi na ntyo gubè gwa bucîbone oku yindi mirhi. Bulya yoshi eligunzibwe n’olufù, yâjà ekuzimu omu idaho, yajibêra haguma n’abâna ba abantu balya bayandagalîre ekuzimu.

Ezekiyeli 32:18

«Mwene omuntu, olakire omwandu gw’engabo z’e Mîsiri, oguyandagaze ekuzimu gônene kuguma na bâli b’amashanja g’abaluzi, gajè omu idaho kuguma na ngasi bandi bajà omu nshinda.

Ezekiyeli 32:24

“Eyôla munda eri Elamu n’omwandu gw’engabo zâge guzungulusire ecûsho câge, boshi kunigwa bànizirwe, bafà n’engôrho, ntakembûlwa wàyandagaliraga ekuzimu omu idaho; bakazâg’ilumiza ecôbà omu igulu ly’abazîne, bagendanaga enshonyi zâbo eyôla munda emw’abayandagalire ekuzimu”.

Abudiya 1:4

“Amango wakaderha mpu wazukiriza nka nyunda, erhi amango wakaderha mpu wahira ecirâlo câwe emalunga, nanakumanulayo, kwo Nyakasane adesire”».

Mateyo 10:15

“Mmubwîre okuli”: “olusiku lw’olubanja, ecihugo c’e Sodoma n’ec’e Gomora byabêrwe obwonjo kulusha eco cishagala”.

Mateyo 16:18

Yumva nkubwîre oku oli Ibuye na kuli eryo ibuye nayûbakakwo Ekleziya yâni, n’amâmi g’ekuzimu garhakayihima.

Mateyo 17:24

Erhi bacihika e Kafarnaumu, abakâg’ihôza entûlo y’aka-Nyamuzinda bajaho Petro, banamubwîra, mpu: «Ka Nnâhamwinyu yêhe arhahàna ntûlo y’aka-Nyamuzinda?»

Mateyo 4:13

Aleka ecishagla ca Nazareti, acîjira omu Kafarnaumu, hôfi h’enyanja, elubibi lwa Zabuloni na Nefutali,

Mateyo 8:5

Lêro erhi acija omu Kafarnaumu, omukulu w’abasirika amujaho mpu amusengere.

Luka 10:15

“Nâwe Kafarnaumu, k’omanyire mpu walîha kuhika omu malunga?” “Wayish’ibungululwa kuhika omu kuzimu”.

Luka 14:11

“Bulya ngasi muntu ocîkuza arhôhibwa, naye ocirhohya akuzibwa”».

Luka 16:23

Erhi abà akola ali omu kuzimu, ayumva amalibuko; agalamira enyanya, alangira Abrahamu na Lazaro omu cifuba câge.

Luka 4:23

Anacibabwîra, erhi: «Ntahabiri oku mwambwîra ogu mugani, mpu: “We mufumu, ocîbuke wêne!” “Birya byoshi barhubwîraga mpu byabîre e Kafarnaumu, obijirage n’eno mwinyu”».

Ebijiro 2:27

Bulya orhankaleka omûka gwâni gwabêra omu Kuzimu, orhankanayêmêra omwîra wâwe abôlera omu nshinda.

Ebijiro 2:31

“àli erhi abwîne anabà amanyîsa okufûka kwa Kristu, bulya arhabêraga omu Kuzimu n’omubiri gwâge gurhaboleraga omu nshinda”.

Yûda 1:7

Sodomo na Gomora n’ebishagala by’eburhambi kwo na kwo: nabo bagwîra okuhusha n’okushimba ebiremwa birhali bya bwôrhere buguma n’obwâbo, bahinduka lwîganyo lw’obuhane bw’omuliro gw’ensiku n’amango.

Mafulûlo 1:18

‘nie na Nn’obuzîne’. ‘Nal’infîre, ‘lêro niono nkola nzîne kuhika emyâka n’emyâka’; ‘n’enyigulo z’olufù n’ez’ekuzimu nie nzigwêrhe».

Mafulûlo 11:8

Emirhumba yâbo elambame omu ngo y’Ecishagala cinene batwa mugani mpu ye Sodomo na Mîsiri, ciryâla babambiragamwo Nnawâbo oku musalaba.

Mafulûlo 20:13

Enyanja yalêrha abafù bayirimwo, Walufù n’Okuzimu balîka abafù bâbo, na ngasi muguma atwîrwa olubanja nk’oku ebijiro byâge byànali bikwânîne,

Mafulûlo 6:8

Nanacibona eciterusi c’akakumbi; owali ocitamîrekwo izîno lyâge ya Lufù, n’Okuzimu erhi kumukunjusirekwo. Babahà obuhashe kuli cihimbi ciguma ca kani c’igulu, mpu bayîrhe n’engôrho, n’ishali, n’ecihûsi, banayîrhe omu kukolêsa ebiryanyi by’en’igulu.