Mateyo 11:11 - BIBLIYA NTAGATIFU OMU MASHI

¹¹ “Okuli mmubwîre, omu babusirwe n’omukazi boshi, ntâye wabonekîne mukulu kulusha Yowane Mubatiza; ci kwône oli munyi kulusha abâbo omu Bwâmi bw’empingu ayish’imulusha obukulu”.

Mateyo 11:11 ပူးပေါင်းရင်းမြစ်များ

Ayubu 14:1

Omuntu erhi aburhwa n’omukazi, alama nsiku nsungunu erhi zinayunjwiîe mirhanyo.

Ayubu 14:4

Ndigi wankarhenza ehinjà omu hibî? Ntâye!

Ayubu 15:14

Kurhi omuntu ankabà mwêru-kwêru, omwâna w’omukazi mpu naye abâge mushinganyanya?

Ayubu 25:4

Kurhigi omuntu ankabà mushinganyanya, embere za Nyamuzinda? Kurhigi ankabà mwêru-kwêru oburhwa n’omukazi?

Ennanga 51:5

Bulyâla ntababiri obubî bwâni, ngasi mango ecâha câni cindi omu masù.

Izaya 30:26

Obulângale bw’omwêzi bwahinduka nka bulângale bw’izûba, n’obulângale bw’izûba buyûshûke kali nda, nka bulângale bwa nsiku nda, olusiku Nyakasane anarhube ebihulu by’olubaga lwâge anayumye enzigo z’ebibande byâlwo.

Zakariya 12:8

Mw’ago mango, Nyakasane âlanga abantu b’e Yeruzalemu; âbazamba bwenêne muli bo bâshuba bazibu aka Daudi, n’obûko bwa Daudi bubahêre nka Nyamuzinda, nka malahika wa Nyakasane obashokolire.

Mateyo 11:10

“Oyo ye kuyandikîrwe: Lolà, narhuma entumwa yâni embere zâwe, nti ekurheganyize enjira”.

Mateyo 11:12

“Kurhenga Yowane Mubatiza kuhika buno, misî egaba Obwâmi bw’empingu, na baciri-misî bo babulya”.

Mateyo 3:1

Muli ezo nsiku, Yowane Mubatiza acîyêrekana: akazâg’iyigîriza abantu omu irungu ly’e Buyahudi.

Mateyo 3:11

“Niehe ndwîrhe nammubatiza n’amîshi, nti lyo mucîyunjuza. Ci kwônene owâyisha enyuma zâni andushire, ntakwânîni okumushwêkûla enkwêrho: ye wâmmubatize muli Mûka Mutagatîfu n’omu Muliro”.

Mateyo 5:19

Owakûle hirhegeko higuma muli aga manyinyi bwenêne, akayigîriza abantu okujira ntyo, ye wayish’ibà murhò omu Bwâmi bw’empingu; ci owagashimbe akanagayigîriza, oyo ye wayish’ikuzibwa omu Bwâmi bw’empingu.

Luka 1:15

Bulya ayish’ibà mukulu embere za Nyakasane; arhakanywa mamvu na ngasi cinyôbwa cijakwo engezo: ayunjula Mûka Mutagatîfu kurhenga omu nda ya nnina;

Luka 7:28

“Mmubwîzire oku omu bàbusirwe n’omukazi boshi, ntà mulêbi oli mukulu kulusha Yowane Mubatiza”; “ci kwône oli munyi kulusha abâbo omu Bwâmi bwa Nyamuzinda, amulushire obukulu”».

Luka 9:48

anacibabwîra, erhi: «Ngasi wâyankirire oyu mwâna Izîno lyâni lirhuma, erhi nie ayankirîre; bulya oli murhò kulusha abâbo muli mwe, ye mukulu».

Yowane 1:15

Yowane ahamîriza, erhi: «Y’oyu ye naderhaga, nti: Owayisha enyuma zâni ye wantangaga, bulya erhi ntac’ibà, erhi ho ali».

Yowane 1:27

Ye wâyisha enyuma zâni; ciru ntakwânîni nshwêkûle omugozi gw’enkwêrho zâge».

Yowane 10:41

Bantu banji bakâjà emunda ali. Bakâbwîrana, mpu: «Yowane ntà cisômerîne ciru n’eciguma ajizire; ci ngasi ebi adesire kuli oyo muntu byoshi byàli by’okunali».

Yowane 3:30

“Kukwânîne agandâze, nâni ncifunye”.

Yowane 5:35

“Yowane kàli kamole katwanyire kanalangashîne; mwanali mulonzize okusîma hisanzi hisungunu omu bumoleke bwâge”.

Yowane 7:39

Aderhaga Mûka Mutagatîfu abamuyêmêre bâli bayish’ihâbwa; bulya barhàl’isâg’ihâbwa Mûka Mutagatîfu, kulya kubà Yezu arhàli aj’ikuzibwa.

1 Bakorinti 15:9

Nêci, nie munyi omu ntumwa zoshi, ciru ntakwânîni izîno ly’entumwa, bulya nalibuzize Ekleziya ya Nyamuzinda.

1 Bakorinti 6:4

Nka muli­kwo olubanja, mwêhe munaluhêkerage balya Ekleziya egaya mpu balutwe!

Befezi 2:3

Câbà mushâna nîrhu rhweshi rhwàli ba Lugero luguma nabo mîra omu kushimba amîru gîrhu mabî, omu kukolera iralà ly’omubiri n’enyifinjo mbî, n’oku bwôrhere bwîrhu rhwàli bâna ba bukunizi ak’abandi.

Befezi 3:8

Nie munyi omu bakristu boshi, nie nashobwîre enshôkano y’okumanyîsa abapagani obuhirhi bwa Kristu burhajira Lugero

2 Timoteyo 1:10

buno lyo ekola eciyêrekîne omu kuyisha kw’Omuciza wîrhu Kristu Yezu waherêrekezagya olufù, alêrha obuzîne n’akalamo karhaheka, byalangashana omu Myanzi y’Akalembe.

Bahabraniya 11:40

bulya Nyamuzinda àli arhubîkîre iragi linjà kulusha, àrhalonzagya mpu bahike oku bwimâna buzira rhwe.

1 Petro 1:10

Obwo bucire bwo abalêbi balêbaga enshôkano mwâli mubîkîrwe bakâg’ilongereza n’okuhumba;

1 Samweli 2:30

“Co cirhumire yumva obugeremwa bwa Nyamubâho, Lungwè w’Israheli, naliyôsire ndesire nti enyumpa yâwe n’eya sho, zigwâsirwe okuyumva ensiku zoshi. Ci buno, gwârhi Nyamubâho. Lêro buno ntakaciderha ntyo, bulya niene nie nkengêsa abankenga boshi, nabo abangayaguza kwo mbalola nka byâsi by’aha camvu”.