Mateyo 10:7 - BIBLIYA NTAGATIFU OMU MASHI

⁷ “Omu njira, mujè mwayakûza mwanaderha oku Obwâmi bw’empingu buli hôfi”.

Mateyo 10:7 ပူးပေါင်းရင်းမြစ်များ

Izaya 61:1

Omûka gwa Nyakasane Nyamubâho guli kuli nie, bulya Nyakasane anshîzire amavurha; antuma mpu ngend’iyigîriza abakenyi emyanzi y’akalembe, nfumye abababîre omu murhima, nyâlîze omwanzi gw’obuyôkozi emwa abâli omu bujà, nnambwîre abâli omu mpamikwa oku balîkûzibwa;

Mateyo 10:8

“Mufumye abalwâla, mufûle abafîre, mucize ab’olushomyo, mulibirhekwo bashetani. Mwahâbirwe busha, ninyu muhâne busha”.

Mateyo 11:1

Byanacibà ntyo! Erhi Yezu abà amayigîriza entumwa zâge ikumi n’ibiri, anaciyimuka mpu agend’iyigîriza anahanûle omu bishagala by’A­Buyahudi.

Mateyo 21:31

«Ndi muli abo babiri wajizire obulonza bw’îshe?» Banacimushuza, mpu: «Omurhanzi». Yezu anacibabwîra, erhi: «Okuli, mmubwîzire oku abanyabyâha n’abakazi bagonyi bâmmurhange omu Bwâmi bwa Nyamuzinda.

Mateyo 21:43

Co cirhumire mmubwîra nti: «Mwanyagwa Obwâmi bwa Nyamuzinda, buhâbwe abantu bâbukolera». [

Mateyo 23:13

«Yajowe mweki, bashamuka b’ihano ninyu, ezi ndyâlya zikayigalira abantu Obwâmi bw’empingu! Mumanyire oku murhakabubalala­mwo n’abalonza okubujamwo mudwîrhe mwabahanza. [

Mateyo 3:2

Akaz’ibabwîra, erhi: «Mucîyunjuze ebyâha, bulya Obwâmi bw’empingu buli hôfi».

Mateyo 4:17

Kurhenga aho, Yezu arhondêra ayigîriza anaderha, erhi: «Cîyunjuzi, bulya Obwâmi bw’empingu buli hôfi».

Marko 6:12

Okubundi banacilîkûla, bajà bayigîriza abantu mpu bacîyunjuze;

Luka 16:16

«Kuhika Yowane gàli Marhegeko n’Abalêbi; kurhenga aho, Emyanzi y’Obwâmi bwa Nyamuzinda yayigîrizibwe, na ngasi muntu akola acîsêza okuhikamwo n’emisî».

Luka 9:2

Abarhuma okugend’ihanûla Obwâmi bwa Nyamuzinda n’okufumya endwâla.

Luka 9:6

Banacilîkûla, bazunguluka ebishagala, bajà bayigîriza Emyanzi y’Akalembe banafumya abalwâla ngasi hoshi.

Luka 9:60

Yezu anacimushuza, erhi: «Oleke abafu babishe abafu bâbo; wêhe ogend’iyigîriza Obwâmi bwa Nyamuzinda».

Yowane 3:2

Anacijà emwa Yezu budufu, amubwîra, erhi: «Rabi, rhumanyire oku we Mwigîriza warhumagwa na Nnâmahanga; ntâye wa­nkajira ebisômerîne odwîrhe wajira nka Nyamuzinda arhali bo naye».

Ebijiro 10:25

Erhi Petro ahika aha kà, Korneliyo amujayo, acîrhimba aha magulu gâge, aharâmya.

Ebijiro 28:31

akahanûla Obwâmi bwa Nyamuzinda n’okuyigîriza ebiyêrekîre Nyakasane Yezu Kristu n’oburhwâli buzira kuhanzibwa na muntu, omu kuderha oku ye Yezu, Mugala wa Nnâmahanga wayish’itwîra igulu lyoshi olubanja.

Ebijiro 4:2

Bayisha bagayire okwenge bakâg’iyigîriza abantu n’okubabwîra mpu Yezu afûsire omu bafù.