Marko 9:47 - BIBLIYA NTAGATIFU OMU MASHI

⁴⁷ N’isù lyâwe likarhuma wahirima omu câha, oliyômole: bulya kuli kwinjà kulusha okujà omu Bwâmi bwa Nyamuzinda n’isù liguma, ahâli h’okukwêbwa n’amasù gombi omu nyenga y’omuliro,

Marko 9:47 ပူးပေါင်းရင်းမြစ်များ

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

Ayubu 31:1

Nali erhi nalaganyire oku amasù gâni, ntà mango ganacilole oku mwâna-nyere.

Ennanga 119:37

Amasù gâni ogahabûle garhagihenekera ebya busha, enjira yâwe empise oku kalamo mâshi.

Mateyo 18:9

“N’akabà isù lyâwe linakaz’ikushumika, olirhomole, okabulire kuli: kuli kukulu ojè omu Buzîne n’isù liguma ahâli h’okujà omu nyenga y’omuliro na masù abiri.”

Mateyo 5:22

Ci niehe mmubwîzire oku ngasi yêshi wabîkire owâbo oburhè, ayish’ihanwa omu lubanja. Naye owabwîre owâbo mpu kadunduguli, akwânîne okuhanirwa e kagombe. N’owabwîre owâbo mpu musirhe, âyish’ihanwa omu nyenga y’omuliro.

Marko 9:43

Akabà okuboko kwâwe kunarhume wahirima omu câha, onakutwe: kuli kwinjà kulusha okujà omu Buzîne oli kabokwè, ahâli h’okuhêka maboko abiri omu cîna c’omuliro gurhazima, [

Marko 9:46

omu omuvunyu gwâbyo gurhafà n’omuliro gurhazima.]

Luka 14:26

«Omuntu walonz’inshimba, akabà arhashombiri îshe, na nnina, na mukâge, n’abâna bâge, na bene wâbo, na bâli bâbo, ciru n’obuzîne bwâge, arhankabà muganda wâni.

Yowane 3:3

Yezu amushuza, erhi: «Okuli, okuli, nkubwîzire, ntâye wankabona Obwâmi bwa Nyamuzinda nka arhashubir’iburhwa buhyâhya».

Yowane 3:5

Yezu amushuza, erhi: «Okuli, okuli, nkubwîzire, ntâye wankajà omu Bwâmi bwa Nyamuzinda nka arhashubir’iburhwa omu mîshi na muli Mûka Mutagatîfu.

Bagalasiya 4:15

Ngahi erigi erya nshagali yinyu? Leki mmuhè obu buhamîrizi: kucihashikanaga, mwankacîrhomwîre amasù, mugampe.